عهفرین .. خوهپێشاندانهك هات لدارخستن
آرك نيوز .. پشتی شهرێ ناڤبهرا چهكدارێن جیش الاسلام و الشرقیه ل ناڤهندا باژارێ عهفرینێ كو ئهو شهر ژ بهر كوشتنا شرقیه ژ بازرگانهكی چهكان يێ خهلكێ قلمون ل تاخا ڤێلات روودابوو عهربێن غووتهیا رۆژههلات یێن ل عهفرینێ هاتنه بجهكرن ب خوهپێشاندانهكێ ل ناڤهندا باژارێ عهفرینێ رابوو.
ل گۆر دیدهڤانهكی ژ بوویهرێ ره ژ ئاركێ ره راگهاند كو ژ بهربانگا سبێ ده رێێن سهرهكه یێن ناڤهندا باژێر هاتن گرتن پشتره ههژمارهك ژ عهربێن غووتا خوه دان ههڤ و ژ تاخا محمودیه برێكهتن و تا داوییا رێیا راجۆ ل ناڤهندا سهرایا خوهپێشاندهك دژی كریارێن چهكدارێن الشرقیه لدارخست .
ئهو خوهپێشاندان ژ ئالیێ هن كهسان ڤه هاته گرتن و ل سهر تۆرێن چڤاكی هاته بهلاڤكرن تێده عهربێن بهشدار كو پرانییا وان ژ خهلكێ غووتهیا رۆژهلاتن بانگ ههلوهشاندنا رێژیما ئهسهد ههروهها دهركهتنا چهكدارێن الشرقیه ژ ناڤ عهفرینێ دكن و ژ دروشم و سلۆكانێن كو هاتنه بلندكرن دانینا سینۆركێ ژ بنپێكرنان ب تایبهت پشتی كوشتنا چهكدارێن الشرقیه ژ بازرگانێ عهرب د 26 مههێ ده .
د 18 مهها مژدارێ 2018 ئۆپهراسیۆنهك ژ بۆ نههشتن و دهرخستنا چهكدارێن الشرقیه ژ ناڤ باژارێ عهفرینێ ب رێڤه چوو بوو و ئهو ئۆپهراسیۆن دوو رۆژان بهردهوام كر تێده بریار هاته ستاندن كو چهكدارێن الشرقیه ژ بۆ ئدلبێ وهره شاندن لێ ئهو بریارا نهكهته وارێ جیبهجركرنێ ده و پشتی چهند رۆژان ژ ناڤچهیا جندرێسێ ڤهگهریان مالێن كو دهستهسهركربوون ودهست ب كریارێن خوه و بنپێكرنێن خوه كرن .
ش.ع
488
