ئهردوغان پێشبينا راگههاندنا دهڤهرا ئارام د چهند مههێن بێده دكه
آرك نيوز..سهروكێ توركي راگههاند كو ئهو پێشبينا ئاليكاريا ههڤپهيمانان دكه د دهربارێ دورست كرنا دهڤهرا ئارم ل سوريێ ئهگهر نا توركيا نهچاره ب تهنا خوه دهڤهرا ئارام ل سوريێ رابگهينه .
رهجب تهيب ئهردوغان سهروكێ توركي د وه ژ باژرێ ئهردهرومێ يي توركي راگههاند كو ئهو پێشبينا راگههاندنا دهڤهرا ئارم د چهند مههێن بێده دكه سهربارێ كو ئهو ل گهل وێ يهكێه كو ههڤپهيمانێن توركي ئاليكاربن د راگههاندنا دهڤهرا ئارم ل سهر سينورێ توركي ب كوردستانا سوريێ ره .
سهروكێ توركيێ دازانين كو ئهوي ل گهل دونالد ترامپ سهروكێ ئهمهريكا مژارا دهڤهرا ئارم ل باكوريێ سوريێ گهنگهشهكريه و ئهو ل ههڤهاتنه كو كوراهيا دهڤهرا ئارام وێ 32 كيلو متر به و درێژاهيا وێ 460 كيلو متر به ,ئهو يهك پشتي كو دونالد ترامپ سهروكێ ئهمهريكا بريارا ڤهكشانا هێزێن ئهمهركي ژ سوريێ دهرخست .
ئهردوغان نه رازيبونا خوه ل سهر پهيوهنديا دناڤ بهرا ئهمهريكا و چهكدارێن ب سهر پهيهدێ ڤه د دهربارێ شهريێ رێخستنا داعش يا تهرورست ئاني زمان و گوت كو وهلاتێ وێ ب تو ئاوايهكي رازي نابه كو چهكدارێن ب سهر پهكهكێ ڤه ل كوردستانا سوريێ بميننه و ئهو ب هێڤينه كو ولاتێن ههڤپهيمان ژ توركيا ره تنێ پشتهڤانيا لوجستي بدن توركيا و توركيا بتهنا خوه دكاره دهڤهرا ئارم ل سهر سينورێ خوه ب كوردستانا سوريێ ره رابگهينه .
سهربارێ كو توركيا ههر چارهسهريهكي ل سهر سينورێ خوه رهد دكن ئهگهر نه ب دهستوهردن و سهربهرهشتيا توركيا به .
د ڤێ دهربارێ ده چيگرێ سهروكێ ههڤپهيمانا نشتيماني يا ئوپوزيسيونا سوريێ عهبد ئالباسط حهمو ژ ئاركێ ره گوت كو توركيا ب تو ئاوايهكي نكاره ب تهنا خوه دهڤهرا ئارم رابگهينه و دڤێ رهزامهنديا روسيا و ئهمهريكا بستينه ژبهري كو ههر گاڤهكي باڤێژه ددهربارێ دهڤهرا ئارم ده ل كوردستانا سوريێ .
z.h
328
