ئيران روسيا تومهتبار دكه ب ههماهنگيێ ل گهل ئسرائيل
ههڤدهمى ئیریشێن ئسرائیلی ل سهر بنگههێن ئیرانى ل سووریێ ئیران روسیا تومهتباركر ب ههماهنگیێ ب اسرائیل ره ب ریا راوهستاندنا سیستهما بهرهڤانیێ ئس 300 ههڤدهمی ههر ئیریشهكه ئسرائیلی ل سهر سووریێ .
سهروكێ كومیتا ئهولههیا نهتهوی وسیاسهتا دهرڤه یێ ئهنجومهنا شورى ئیرانى حشمت بیشه راگهاند كو ههماهنگیهك دیار دناڤبهرا اسرائیل وروسیا ده ههیه د دهمێ پێكئانینا ئیریشێن ئاسمانی دناڤا خاكا سووریێ ده .
حشمت د ههڤدیتنهكێ ل گهل ئاژانسا ئیرنا یا ئیرانى ئهشكهره كر كو ئهگهر روسیا سیستهما ئس 300 یا ل دژى بالافران ل سووریێ ئهكتیڤ كربا ئسرائیل توجاران ئیریشی سووریێ وخاكا وێ ب ڤێ ئاسانیێ نهدكر .
حشمت رهخنهیێن مهزن ل روسیا كر ودیاركر كو روسیا سیستهما ئس 300 یا ل دژی بالافران رادوهستینه دهما ئسرائیل دهست ب ئیریشێن خوه یێن ئاسمانی ب سهر سووریێ ده دكه كو بگوتنا وی دیاره ههماهنگیهك دناڤبهرا ئیریشێن ئسرائیلی وبهرهڤانیا ئاسمانی روسی یا كو ل سووریێ بجه دبه ههیه.
ههر د ڤێ دهربارێ ده جیگرێ وهزیرێ دهرڤه یێ روسیێ سیرغی ریابكوڤ راگهاند كو پاراستنا ئهولههیا ئسرائیل ژ ئارمانجێن سهرهكه نه یێ روسیا .
ریابكوڤ د ههڤدیتنهكێ ده ل گهل تورا سی ان ان یا ئهمهریكی دیاركر كو ئهولههیا ئسرائیل ژ پێشهكاریێن روسیا یه وئسرائیل وئهمهریا وئیران وتورك وسووریێ ههمی ڤێ یهكێ زانن .
ریابكوڤ ئهشكهره كر كو روسیا نه ههڤالبهندا ئیرانه د سووریێ ده بتهنێ ئهو ب ههڤ ره كار دكن د دانوستاندنێن استانا ده وتهكهز كر كو روسیا ل دژی سیاسهتا ئیران یا ل دژی اسرائیله .
287