تایمز: لسەر ناڤچەیا ئارام ناكوكی ناڤبەرا رووسیا و توركیێ دە درووست بوونە
ارك نیوز .. رۆژنامەیا تایمز یا بریتانی د راپۆرتەكێ دە ئاشكەرە كركو نانكۆكی د ناڤبەرا رووسیا و تركیێ دە دەربارێ چارەنڤیسا كوردان دە هەنە و رووسیا ل دژی وێ یەكێ یە كو ناڤچەیا ئارام ل باكورێ سووریێ ژ شامێ بێ برین.
رۆژنامەیا تایمز یا بەریتانی د بن ناڤنیشانا “رووبرووبوونا رووسیا و تركیا دەربارێ چارەنڤیسا كوردان دە” نڤیسینە, “ ئەو رووبرووبوون بوویە راستیەك, پشتی كو سەرۆكێ رووسیایێ فلادیمێر پۆتین بیرۆكەیا ئاڤاكرنا ناڤچەیەكە ئارام ل باكورێ سووریێ ب ئارمانجا پاراستنا سینۆرێ تركیێ و دوورخستنا چەكدارێن پەیەدە رەد كر.”
رۆژنامەیا تایمز یا بەریتانی دیار كر, پشتی جڤینا رەجەب تەیب ئەردۆغان سەرۆكێ توركیا وفلادیمێر پۆتین سەرۆكێ رووسیا ل مۆسكۆیێ, د كۆنفەرانسەكی رۆژنامەڤانی دە ئەردۆگان بەحسا ناڤچەیا ئارام كر ل باكورێ سووریێ و نەهیشتنا چەكدارێن سەر ب پەیەدە وتیرۆرستێن رێخستنا تیرۆرستی یا داعشێ, لێ ل هەمبەرێ بۆتین تەكەز كر, پێویستە چەكدارێن پەیەدە ورژێما ئەسەد دانووستاندنان بكن و پرسگرێكان چارەسەر بكن.
رۆژنامەیا ناڤ هاتی ئاشكەرە كر ژی, دانووستاندن د ناڤبەرا چەكدارێن پەیەدە ورژێما ئەسەد دە ب ئاوایەكی ئەكتیڤ پشتی بریارا ڤەكشینا هێزێن ئامەریكی ژ سووریێ دەستپێ كریە و هەر دو ئالیان لهەڤ كرنە كو چەكدارێن پەیەدە جهێن خوە ل نێزیكی سینۆرێ توركیێ رادەستی هێزێن سووری بكە, ل هەمبەردە ژی پەیەدە وێ رێڤەبەریا خوەسەر وەرگرە.
ل.ع
441
