بیدرسۆن لگەل هەژمارەك وەزیرێن دەرڤە یێن وەلاتێن عەرەبی دۆسەیا سوریێ گۆتووبێژ كر

ارك نیوز .. د چارچۆڤەیا بەشداریێ د كۆربەندا ئابوریا ناڤدەولتی ل دافوس شاندەیێ ناڤدەولتی یێ نۆ ژبۆ سوریێ گێر بیدرسۆن ژبۆ گەنگەشەكرنا دۆسەیا سوریێ بتایبەتی ئاڤاكرنا كۆمیتەیا دستورا سورێی یا پێشەرۆژێ ب چەندین وەزیرێن دەرڤە یێن وەلاتێن عەرەبی جڤیا .

دۆه پێنشەمێ شاندا ناڤدەولتی یا تایبەت ژبۆ سوریێ د تویتەكێ دە لسەر رووپەلا خوە یا تایبەت ل تۆرا جڤاكیا تویتەرێ بەلاڤ كر كو گێر بیدرسۆن شاندەیێ ناڤدەولتی یێ تایبەت ژبۆ سووریێ ب هەر یەك ژ وەزیرێ دەرڤەیێ عراقێ محمد الحكیم و هەڤشانێ خوە یێ ئوردنی ایمن السفدی و جبران باسیل وەزیرێ دەرڤەیێ لبنانێ و هەروەها وەزیرێ دەرڤە یێ قەتەرێ حمد بن عبدالرحمن ال سانی و وەزیرێ دەرڤەیێ عەرەبستانا سعودیێ ئبراهیم العساف رە جڤیابوو .

هەر لگۆری شاندا ناڤبووری ئەشكەرە كریە كو بیدرسون ب وەزیرێن دەرڤە یێن وەلاتێن عەرەبی رە دۆسەیا سوریێ ، و داوین پێشهاتەیێن گرێدایی ب پرۆسەیا سیاسی یا سورێێ بتایبەتی ئاڤاكرنا كۆمتەیا دستورا سوریێ یا نوو گۆتووبێژكر .

گێر بیدرسون پشتی وەرگرتنا پۆستا خوە وەكو شاندەیێ ناڤدەولتی یێ نوو ژبۆ سورێی سەرەدانا شاما پایتەختا سوریێ كر و لگەل وەزیرێ دەرڤە یێ رێژیما سورێی وەلید المعلم رە جڤیا وپشترە بەرێ خوە دا ریادێ پایتەختا عەربستا سعودیێ و لگەل دەستەیا دانوستاندكارا سوریێ رە جڤینەك پێك ئانی ژبۆ گەنگەشكەرنا رەوشا سوریێ بگشتی وهن بابەتێن دن یێن گرێدایی ب رەوشا سورێی .

شاندەیێ ناڤدەولتی یێ نوو ژبۆ سوریێ هەروەها دووشەما بووری سەرەدانا موسكویێ ژی كر و ب سێرگی لاڤرۆف وەزیریێ دەرڤە یێ روسیێ و سیرگی شویگۆ وەزیرێ بەرەڤانیا روسیێ رەجڤیابوو و هەژمارەك پرسێن گرێدایێ ب دۆسەیا سوریێ لگەل هەردوو وەزیران گفتوگۆ كربوو.

شاندا ناڤدەولتی یا تایبەت ژبۆ سوریێ د هەمان تویتا خوە دە دیار كر كو بریارە د رۆژێن بێدە بیدرسون سەرەدانا توركی و ئیرانێ بكە و لگەل بەرپرسێن هەردوو وەلاتان دۆسەیا سورێێ گەنگەشە بكە .

هەمان شاندێ ئەشكەرە كر كو بیدرسۆن دڤێ دەما داویێ دە بتایبەتی بەریا لدارخستنا كۆنگرێ استانا یاكۆ بریارە د مەها سباتێ دە وەرە ئەنجام دان ب گەرەنتیا هەرسێ وەلاتێن گەرۆەنتۆر توركیێ و روسیا و ئیران دانوستاندنێن خوە ب ئالیێن ناكوكدار رە لسورێی وئالیێن دەرڤە یێن كو پەیوەندیا وان ب دۆسەیا سوریێ هەیە ژێدە دكە .

گێر بیدرسۆن شاندەیێ ناڤدەولتی یێ نوو ژبۆ سوریێ راستی گەلەك ئاستانگیان دەرباری رێڤەبرنا دۆسەیا سوریێ تێ مینا گهشتن ب چارەسەریەك سیاسی كو هەموو ئالیێن ناكوكدار لسوریێ لسەر وێ چارەسەریێ رازیبن هەروەها دەسپێكرنا قووناغا دووبارە ئاڤاكرنا سوریێ سەرباری بەردەوامبوونا هەولان ژبۆ ئاڤاكرنا كۆمیتەیا دستورا سوریێ یا نوو .

ل.ع

406