توركیا دەربارێ رەوشا سووریێ ژ ئەمەریكا ب گومانە

آرك نيوز...شرۆڤەكار وسیاسەتمەدارێ توركی دەربارێ نێزیكبوونا توركیا وئەمریكا دەربارێ رەوشا سووریێ دبێژن ئەمریكا نە جهێ باوەریێ یە , وپێویستە توركیا ژ ڤێ چەندێ ئاگەهدار بە , وب بێ لێڤەگەر ل سیاسەتا خوە نابە هەڤپەیمانیێ ل گەل ئەمریكا بكە .

رۆژنامەیا جمهووریەت یا توركی بەلاڤكریە كو دەربارێ رەوشا سووریێ نابە توركیا باوەریێ ب ئەمریكا بكە , ژ بەر بەریا نها ئەمریكا ل سووریێ پشتا توركیا بەردایە , وئیدی پێویستە توركیا ژ ڤێ چەندێ ئاگەهدار بە .

دەربارێ ناڤچەیا ئارام ل رۆژئاڤایێ كوردستانێ شرۆڤەكارێن توركیا گۆتن : هەتا وەكە نها تشتەك دەربارێ چاوەنیا ئاڤاكرن وب رێڤەبرنا وێ ناڤچەیا ئارام نەهاتیە خویاكرن وكیژا ئالی وێ پێویستیی وخەرجیێن مادی ل ئەستووێ خوە بگرە .

بەرات ئالبەیراك وەزیرێ دارایا توركیا ل داڤۆس راگەهاند دەما كو دۆنالد ترامپ سەرۆكێ ئەمریكا دبێژە ئەوێ ئابووریا توركیا ب رووخێنە , ترامپ د گۆتنا خوەدە نەجدیە , ژ بەر ئەمریكا وتوركیا د دەما داوی دە گەلەك ژ هەڤ نێزیك بوونە .

شرۆڤەكارێن توركیا دبێژن رووسیا هەڤپەیمانێ توركیا یە ل سووریێ , وهەر نێزیكبوونە ناڤبەرا توركیا وئەمریكا دە پێویستە ب رازیبوونا رووسیا بە ,لەوما توركیا نكارە تەڤایا هێلان دەرباس بكە , وباوەریا خوە ب ئەمریكا بینە , وئەگەر توركیا ب وشیاری سیاسەتێ د سووریێ دە نەكە وێ ب دەست بەتالی ژ سووریێ دەركەڤە .

وژ بەر خەرجیێن ئابووری یێن سیاسەتا توركیا د سووریێ دە , هەبوونا ئەمریكا ل وێ ناڤچەیێ , شرۆڤەكارێن توركی دبێژن پێویستە توركیا ئۆپەراسیۆنا خوە ل رۆژهلاتێ چەمێ فەراتێ ومنبجێ رابگرە ,

ز.ح

380