ناڤچەیا ئارام وێ ناڤچەیێن ژ كۆبانێ هەتا دێركێ ل خوە بگرە

آرك نيوز...لگۆری زانیاریێن كو مەدیایێن توركیا بەلاڤكرنە ناڤچەیا ئارام یا كو بریارە ل رۆژئاڤایێ كوردستانێ وەرە ئاڤاكرن , ویا كو ئەنقەرا دخوازە وێ تەڤایا ناڤچەیێن كوردستانی یێن رۆژئاڤایێ كوردستانێ ل خوە بگرە .

ئاژانسا ئانادۆل یا توركی بەلاڤكریە كو ناڤچەیا ئارام وێ باژارێن كۆبانێ , قامشلۆ , گرێ سپی , سەرێ كانیێ , دەربێسیێ , عاموودە , وحەسەكە وتەڤایا ناڤچەیێن رۆژئاڤایێ كوردستانێ ل خوە بگرە , وتەڤایا وان ناڤچەیان وێ بكەڤە بن كۆنترۆلا توركیا دە .

ئاژانسا ناڤ هاتی گۆت كو توركیا ل سەر ئاڤاكرنا ناڤچەیا ئارام ل سەر تەڤایا سنوورێ خوە ب سووریێ رە دكە , كو درێژاییا وێ وێ ( 460 ) كیلۆ متربە , وكووری ئانگۆ عمقا وێ وێ ( 32 ) كیلۆ متر بە , ووێ تەڤایا باژارۆكێن سەر ب پارێزگەها حەلەب , رەقا , و حەسەكێ ل خوە بگرە
ئاژانسا ئەنادۆل گۆت كو گرینگترین ناڤچەیێن ناڤچەیا ئارام ئەو ناڤچەنە كو دكەڤنە ناڤبەرا باكوورێ هێلا ناڤبەرا هەردو گوندێن سرین ل پارێزگەها حەلەبێ , وعێن عیسا ل پارێزگەها رەقایێ .

هەروەها ناڤچەیا ئارام وێ باژارێ قامشلۆ , وباژارۆكێن سەرێ كانیێ , تل تمر , دەربێسیێ , عاموودە , وەردیە , تل حەمیس , چل ئاغا , تل كۆجر , ودێركێ ل خوە بگرە , كو تەڤایا ڤان ناڤچەیان سەر ب پارێزگەها حەسەكە ڤەنە.

بەردەوام بەرپرسیارێن توركیا تەكەزیێ ل سەر وێ چەندێ دكن كو پێویستە ئەو ناڤچەیا ئارام یا كو بریارە ل رۆژئاڤایێ كوردستانێ وەرە ئاڤاكرن دبن سەرپەرشتیا توركیا دە بە , وهەری داویژی رەجەب تەیب ئەردوغان سەرۆكێ توركیا ئەڤ چەند تەكەز كر .

وژئالیێ خوەڤە شرۆڤەكارێن كورد دبێژن پێویستە ناڤچەیا ئارام ل رۆژئاڤایێ كوردستانێ دبن سیا جڤاكا ناڤدەولەتی ونەتەوێن یەكگرتی دە وەرە ئاڤاكرن , ژ بەر ئەگەر یەك وەلات سەرپەرشتیا وێ ناڤچەیێ بكە , وی دەمی دەرئەنجام وێ نەرێنی بن .

ئەمریكا یاكو پێشنیارا ئاڤاكرنا ناڤچەیا ئارام ل رۆژئاڤایێ كوردستانێ كریە , د دەما نهادە هێزێن ئەمریكا مژوولێ پرۆسەیا ڤەكشانێنە ژ رۆژئاڤایێ كوردستانێ , ئەوژی بێ كو دەمێ ڤەكشانێ وەرە دەستنیشانكرن .
ز.ح

833