نه‌تنياهو قه‌شمه‌ريێ ب قاسم سليمانى دكه
سه‌روك وه‌زیرێ ئسرائیل بنیامین نه‌تنیاهو قه‌شمه‌ری وحه‌نه‌كێ خوه ب فه‌رمانده‌یێ فه‌یله‌ق القودس یێ ب سه‌ر ئیرانى ڤه قاسم سلیمانی كر .
د كورته ڤیدیوه‌كێ ده كو ل سه‌ر تویته‌را خوه به‌لاڤ كریه نه‌تنیاهو بانگ ل سلیمانی كر كو بنگه‌هێن خوه یێن له‌شكه‌ری ل سووریێ بپارێزه ل جهێ كو وه‌ره به‌حسا هلبژارتنێن په‌ره‌مانی ئسرائیلی بكه كو بریاره د نیسانا بێ ده وه‌ره لدارخستن .
نه‌تنیاهو هه‌روه‌ها دیاركر كو هه‌تا ئه‌و سه‌روكێ حكومه‌تا ئسرائیلێ به ئه‌و شه‌رێ ل دژی ئیرانی راناوه‌ستینن .
نه‌تنیاهو هه‌روه‌ها ئه‌شكه‌ره كر كو سیاسه‌تا وان ئه‌شكه‌ره یه كو ئه‌و رژدن ل سه‌ر ژناڤبرنا هه‌بونا ئیرانێ ل سووریێ .
ئه‌ڤ ئاخافتنێن نه‌تنیاهو تێن پشتی كو روژنامه‌یا الجریده یا كویتى به‌لاڤ كربو كو فه‌رمانده‌یێ فه‌یله‌ق الشام قاسم سلیمانی گوتیه ئه‌گه‌ر ئیران چه‌ند ئیریشان ل سه‌ر ناڤه‌ندا ئسرائیلێ بكاربینه ئه‌گه‌ر هه‌یه كو نه‌تنیاهو د هلبژارتنێن په‌رله‌مانی ئسرائیلی د نیسانا بێ بشكێ .
هه‌ر ل گوری روژنامه‌یا ناڤبوری كو سلیمانی دبینه كو ریا ته‌كانه ژ بو راوه‌ستاندنا ئیریشێن ئسرائیلی ل سه‌ر سووریێ ئه‌وه به‌رسڤدانا هه‌ر توپه‌ك ئسرائیلی ب سه‌ر سووریێ ڤه وه‌ره ئاڤێتن توبارانكرنا ئسرائيل ب سێ توپان .
هه‌روه‌ها ئه‌شكه‌ره كر كو نه‌ها ئیران فشاره‌ك مه‌زن ل سه‌ر سوریێ دكه داكو به‌رسڤا ئسرائیل بده بتایبه‌ت پشتى كو اسرائیل ئیریشێن داوی ل سه‌ر شاما پایته‌خت ل خوه گرت .
438
