روسیا فكارا خوە دەرباری رەوشا ئدلبێ دەربراند
ارك نیوز .. بەردەڤكا وەزارەتا دەرڤە یا روسیا فكارا خوە دەربارێ تێكچوونا رەوشا باژارێ ئدلبێ و گوندەوارێن وێ دەربراند .
ئیرۆ ل مۆسكۆ پایتەختا روسیا ماریا زاخارۆفا بەردەڤكا وەزارەتا دەرڤە یا روسیا د كونگرەكی رۆژنەمەڤانی دە راگهاند كو د دەما نها دە رەوشا باژارێ ئدلبێ و گوندەوارێ وێ د رەوشەكە پر خراب دە دەرباس دبن وئیدی نها باژار دبن دەستێ ئەنیا ئەلنسرا دەیە .
هەروەها زاخارۆفا گۆتژی كو وەلاتێ ئەمەریكا تەڤی بریاردانا ڤەكشانا هێزێن خوە ژ سوریێ لێ تا نها ئەمەریكا توو پێنگاڤ ژبۆ ڤەكشانا هێزێن ئەمەریكی ژناڤا خاكا سوریێ نە ئاڤێتیە .
زاخارۆفا ئاماژە كر كۆ یا گرنگ د ڤان رەوشێن هەنۆكەیی دە ئەوە كو گووركرنا ململانیێ لرۆژهەلاتێ باكورێ سورێی وەرە راوەستاندن وسەربار كر كو پێویستە ئەمەریكا هێزێن خوە ژ ناڤ خاكا سوریێ د زوترین دەم دە ڤەكشینە .
سەبارەتی باژارێ ئدلبێ و گوندەوارێ وێ ماریا زاخارۆفا بەردەڤكا وەزارەتا دەرڤە یا روسیا گۆت كو دەڤەرا كێمكرنا ئاستێ شەر ل ئدلبێ نها بتەمامی كەتیە بن كونترۆلا ئەنیا ئەلنسرا دە و ئەشكەرە كر ژی كو رۆژانە و بئاوایەكی بەردەوام بنپێكرن ل دەڤەرێن ئاگربەستا راوەستاندنا شەر لسوریێ بتایبەتی ئدلبێ تێنە ئەنجام دان .
هەر دڤێ دەربارێ دە بەردەڤكا وەزارەتا دەرڤە یا روسیا ئەشكەرە كر كو ژ دەما راگهاندنا رێكەفتنا كێمكرنا ئاستێ شەر ل باژارێ ئدلبێ د حڤدەهێ ئەیلوونا دوو هەزار و هیزدەهان دە ناڤبەرا روسیا و توركیێ دە بێهتری هەزار بنپێكرن هاتنە ئەنجام دان كو د ئەنجاما وان بنپێكرنان دە بكێمانی شیست و پێنج وەلاتیێن سڤیل هاتنە كوشتن لگەل برینداربوونا زێدەتری دووسەد كەسێن دن .
زاخارۆفا تەكەزژی كر كو بەردەوامبوونا ئستفزازاتان مەترسیەك مەزن لسەر وەلاتیێن سڤیل وبنگەها حمێمیما لەشكەری یا رووسی لگوندەوارێ لازقیێ دروست دكە .
ل.ع
285