هولهندا ل دژى ئيريشا توركيێ لسهر كوردستانا سووريێ رادوهسته
پهرلهمانتهرهكه هولهندی راگهاند كو حكومهتا هولهندى ل سهر پشنیارا پهرلهمانا هولهندی ئهری كر ژ بو رێگری ل ئیریشا توركیێ ل سهر كوردستانا سووریێ .
پهرلهمانتهرا هولهندی یا بناڤێ "سادت كارابولوت" راگهاند كو حكومهتا وهلاتێ وێ دو نامه ژ پهرلهمانێ وهلاتێ خوه وهرگرتن تێده ئیریشا توركیێ ل سهر كوردستانا سووریێ رهدكن .
كارابولوت ئهشكهره كر كو پیویسته سزا ل سهر توركیا وهره فهرز كرن ئهگهر ئیریش كر , وگهرهك ب ههمی ریێن بهردهست رێزێ ل یاسایێن ناڤدهولهتى وهره كرن .
پشنیارا یهكی یا كو پهرلهمانا هولهندی پێشكێشی حكومهتا وهلاتێ خوه كريه تێده بانگا كار ب یهكیتیا ئوروپی وناتویێ ره دكه ژ بو راوهستاندنا ئیریشیا توركی ل سهر كوردستانا سوریێ .
وپشنیارا ددوان داخوازێ ژ فهرهنسا وبریتانیا دكه كو رولهكه مهزنتر وگرنگتر بلیزن ژ بو راوهستاندنا گهفێن توركی یێن بهردهوام ل سهر دهڤهرێن روژهلاتێ چهمێ فهراتی بگشتی وكوردستانا سووریێ بتایبهتی .
493
