عهفرین .. ههلمهتهك گرتن وبنچاڤكرنێ
آرك نيوز .. ل عهفرینا رۆژئاڤایێ كوردستانێ زنجیرا گرتن وبنچاڤكرنا وهلاتییان بهردهوامه ویا ههری داویێ دهورییهك ههڤبهش ژ ئارتێشا توركیێ وگروپێن چهكدار و پۆلیسێن لهشكهری ب ههلمهتهك گرتن وبنچاڤكرنێ ل ناڤچهیا مابهتا رابوون ههروهها ل ناڤچهیا شیێ ژی گرووپا چهكدارێن العمشات هژمارهك ژ وهلاتیێن كورد ل ناڤچهیا شیێ گرتن ژ وان دوو فهرمانباران بوون .
ل گۆر ژێدهركه تایبهت ژ ناڤ باژارێ عهفرینێ ژ ئاركێ ره راگهاندیه كو دوه رۆژا ئینێ 11/1/2019 گرووپا چهكدارێن العمشات هژمارهك ژ وهلاتیێن ناڤچهیا شیێ یا عهفرینێ گرتن ژ كهسێن هاتنه ناسكرن ئهحمهد محمد كعلو كو ب خوه د ناڤهندا پهروهردهیێ ده كار دكه ومحمد جۆجۆ ئهو ژی د ناڤهندا ناسنامهیان ده كاردكه .
ژێدهرهرێ ههروهها دا زانین كو ژ بلی ناڤچهیا شیێ ل ناڤچهیا مابهتا ژی ههلمهتهك گرتن وبنچاڤكرنێ دوه دهسپێكر كو ژ ئالیێ دهورییهك ههڤبهش ژ ئارتێشا توركیێ گرووپێن چهكدار و پۆلیسێن لهشكهری هاتبوو ئهنجامدان وهژمارهیك ژ وهلاتیێن سڤیل بتایبهت ل گوندێ قهنتهرێ گرتن وبنچاڤ كرن .
ژێدهرا نهخوهستیه ناڤێ وی وهره ئهشكهرهكرن ئامهژهب پێ كر وتهكهز كر كو ههلمهتا گرتن وبنچاڤكرنا وهلاتیین سڤیل ژ دهسپێكا دهرباسبوونا توركیێ و گرووپێن چهكدار ژبۆ عهفرینێ بهردهوامه كو تۆمهتێن جودا جودا یێن دوور ژ راستیێ ل سهر وان دسهپێن داكۆ خوه بگهینن مهرهم وئارمانجێن خوه ژ خوهستنا پهرهیان ل ههمبهر سهربست بهردانا وان گرتییان.
ژبهر كریار وبنپێكرنێن گرووپێن چهكدار ل عهفرینێ ب دههان مالبات ژ عهفرینێ ب نهچاری ژ عهفرینێ دهركهتن وبهرێ خوه دان توركیێ وههرێما كوردستانێ و ل شوونا وان ده عهرب هاتن بجهكرن و برۆسهیا گوههرتنا دهمۆغرافیا عهفرینێ رۆژ ب رۆژ مهزنتر دبه وخهلكێ رهسهن یێن كورد ئێدی بوونه كێم نهتهوه.
ش.ع
605
