پۆمپیۆ:ئەردوغان پەیمانا پاراستنا كوردان ب ترامپ دایە

آرك نيوز..وەزیرێ دەرڤەیێ ئەمریكا دبێژە كو سەرۆكێ توركیا پەیمانا پاراستنا چەكدارێن قەەسەدە ب سەرۆكێ ئەمریكا دایە , ئەوژی پشتی ڤەكشانا هێزێن ئەمریكی ژ سووریێ .

مایك پۆمپیۆ وەزیرێ دەرڤەیێ ئەمریكا د گۆتووبێژییەكێ دە ل گەل كەنالا سی ئێن بی سی یا ئەمریكی بەری كو دەست ب گەشتا رۆژهلاتا ناڤین بكە راگەهاند كو دەما دۆنالد ترامپ سەرۆكێ ئەمریكا , ورەجەب تەیب ئەردوغان سەرۆكێ توركیا گۆتووبێژی ئەنجام ددان , سەرۆكێ توركیا پەیمان ب سەرۆكێ ئەمریكا دا كو توركیا وان هێزێن ل گەل ئەمریكا شەرێ دژی داعشێ كرنە ناكێتە ئارمانج پشتی ڤەكشانێ .

هەروەها پۆمبپیۆ گۆت كو ئەردوغان تەكەز كریە كو پشتی ڤەكشانا هێزێن ئەمریكی ژ سووریێ , توركیا وێ بەردەوامیێ ب شەرێ دژی رێخستنا تیرۆرستی یا داعشێ ل سووریێ بدە.

بەریا نهاژی جۆن بۆلتۆن راوێژكارێ ئاساییشا نشتیمانی یا ئەمریكا ل ئیسرائیل راگەهاند كو هێزێن ئەمریكی ب بێ گەرەنتیا پاراستنا كوردان ژ سووریێ ڤەناكشن , وتەكەز ل سەر پاراستنا وان هێزان كر یێن كو ل گەل ئەمریكا شەرێ دژی رێخستان تیرۆرستی یا داعشێ كرنە .

جۆن بۆلتۆن كو نها ل توركیایە , پرسا پاراستنا چەكدارێن قەسەدە ل گەل بەرپرسیارێن توركیا گۆتووبێژ دكە , داكو پشتی ڤەكشانا هێزێن ئەمریكی ژ ئارمانجكرنا توركیا پاراستی بن .

ژ دەما كو دۆنالد ترامپ سەرۆكێ ئەمەریكا بریارا ڤەكشانا هێزێن ئەمریكی ژ سووریێ دایە , ورۆژ ب رۆژ هەڤكێشا رۆژهلاتێ چەمێ فەراتێ , وب تایبەتی ناڤچەیێن كوردستانی ئالۆزتر دبە , وبریارا دۆنالد ترامپ كارڤەدانەكە ناڤدەوەلتی ب خوەرە ئانی هۆلی , ود دەما نهادە تەكەزیێ ل سەر پاراستنا وان چەكداران دكە كو ل گەل هێزێن ئەمریكی شەرێ دژی داعشێ كرنە , وئەو پەیمان ژ توركیا هاتیە وەرگرتن .
ز.ح

309