شه‌رێ نوسره وزنكی باندۆرا نه‌رێنی ل سه‌ر عه‌فرینێ چێكریه
پشتی شه‌ر وپه‌ڤچوونێن گران ناڤبه‌را چه‌كدارێن ته‌ڤگه‌را نورالدین زنكی و چه‌كدارێن ئه‌نییا نوسره كو ناڤ ل خوه كرنه ده‌سته‌یا تحریر الشام ل گونده‌وارێ حه‌له‌با رۆژهلات ده‌سته‌یا تحریر الشام ده‌ڤه‌رێن كو دبن كونترولا زنكی ده بوون خستنه ب ده‌ستێ خوه ده وریێن كو هه‌رێما عه‌فرین و ب وان ده‌ڤه‌ران ره گرێدده وڤه‌كرینه هه‌روه‌ها كه‌لا سه‌معانێ یا هه‌رێما عه‌فرینێ و گوندێن وێ و ده‌رگه‌ها گوندێ غه‌زاویێ كه‌تن ب ده‌ستێ نوسره ده.
ئاژه‌نسا ئیباء یا سه‌ر ب ده‌سته‌یا ته‌حریر الشام ده دوه 5/1/2019 وێنه‌یا ژ ناڤ كه‌لا سه‌معانێ یا عه‌فرینێ و ده‌رگه‌ها گوندێ غه‌زاویێ یا سه‌ر ب ناڤه‌ندا عه‌فرینێ ڤه به‌لاڤ كرنه كو خستنه دبن كونترولا خوه ده و ئه‌و شوون وه‌ك هه‌ڤسینۆر ناڤبه‌را هه‌رێما عه‌فرینێ و گوندێن حه‌له‌بێ نه .
ب وێ یه‌كێ ده‌ڤه‌رێن دبن كونترۆلا چه‌كدارێن ته‌ڤگه‌را نورالدین زنكی كو پرانییا وان توركمانن دكه‌ڤه ده‌ستێ نوسره ده و د ئه‌نجامدا چه‌كدار ب مالباتێن خوه ڤه به‌رێ خوه دانه گوندێن عه‌فرینێ وه‌ك باسوتێ و گوندێ و شێراوا .
هه‌روه‌ها رییا چوون وهاتنا بارهلگرێن سووته‌مه‌نيێ كه‌ته دبن دستێ نوسره ومه‌ترسییه‌ك ژ ئه‌نجامێن خراب ژ وی شه‌ری ل سه‌ر عه‌فرینێ چێدبه .
ژێده‌ره‌كه تایبه‌ت ژ گوندێن شێراوا ژ عه‌فرینێ ژ ئاركێ ره راگهاند كو هه‌تا دوه ب شه‌ڤێ شه‌ر وه‌په‌ڤچوونێن گران ناڤبه‌را گرووپان ده به‌رده‌وام بوو وئه‌و یه‌ك مه‌ترسییه‌ك ل جه‌م خه‌لكێ وان گوندان چێكریه .
چه‌كدارێن تحریر الشام په‌رچه ڤیدیۆ به‌لاڤكرن تێده زیندانه‌ك ژ چه‌كدارێن ته‌ڤگه‌رێ كونترولكرنه و به‌شه‌ك ژ وان گرتیێن خه‌لكێ ناڤچه‌یا جندرێسێ یێ عه‌فرینێ نه و ل كۆر به‌رپرسێ كو ب گرتییان ره د ئاخڤه دبێژه ئه‌گه‌ر تو تشتك ل سه‌ر وه تونه به دێ د چارچۆڤه‌یا 48 ده‌مژمێران ده سه‌ربست به‌ردن .
كه‌لا سمعانێ یه‌ك ژ گرنگترین شوونا گه‌شتوگوزاریێ ل هه‌رێما عه‌فرینێ بوو و د ده‌ما رێژیما به‌عس ده ووه‌ك گوهه‌رتنه‌ك ده‌مۆغرافیا عه‌فرینێ كه‌لا سمعانێ ژ جغرافییا عه‌فرینێ ده‌رخست و خسته سه‌ر ب گوندێن حه‌له‌بێ ڤه وشه‌رێ كو نها رووده ل سه‌ر سینۆری گوندێن عه‌فرینێ و داره‌عزی و گوندێن سمعانێ یه وبوویه جهێ نه‌رحه‌تییا وه‌لاتیێن عه‌فرینێ .
ش.ع
186
