نەتەوێن یكگرتی ئامارا قربانیێن رێیا پەنابەریێ بەلاڤ كر
ارك نیوز .. ته‌ڤی كو مه‌ترسیا ده‌ریایا سپی ل سه‌ر په‌نابه‌ران گه‌له‌ك مه‌زنه , به‌رده‌وام په‌نابه‌رێن كو دخوازن روو ل وه‌لاتێن یه‌كیتیا ئۆرۆپا بكن به‌رێ خوه ددن ده‌ریا سپی ود سالا بووری ده ب هه‌زاران په‌نابه‌ر بوونه قوربانیێن ده‌ربا سپی .
كۆمیسه‌ریا نه‌ته‌وێن یه‌كگرتی یا كاروبارێ په‌نابه‌ران راگه‌هاند كو د سالا 2018 ان ده 2262 ) په‌نابه‌ر د ده‌ریایا سپی ده بن ئاڤبوونه وژیانا خوه ژ ده‌ست دانه , وداخواز ژ وه‌لاتێن یه‌كیتیا ئۆرۆپا كر كو چاره‌سه‌ریه‌كێ ژ بۆ رێگریكرنێ ل ژیان ژ ده‌ستدانا په‌نابه‌ران ببینن .
ل گۆری كو كۆمیسه‌ریا نه‌ته‌وێن یه‌كگرتی به‌لاڤكری د سالا بووری ژماره‌یا په‌نابه‌رێن كو ژیانا خوه ژ ده‌ستدانا د ده‌ریایا سپی ده كێمتره ژ سالا 2017 ان , وژماره‌یا په‌نابه‌راێن كو بوونه قوربانی ب ئاوایه‌كی به‌رچاڤ كێمبوویه
هه‌روه‌ها كۆمیسه‌ریا كاروبارێن په‌نابه‌ران گۆت كو د سالا بووری ده 113482په‌نابه‌ری كاریه ده‌ریایا سپی ده‌رباس بكه , وخوه بگهینه وه‌لاتێن یه‌كیتیا ئۆرۆپا , و ( 6700 ) په‌نابه‌ر ل هه‌ردو باژارۆكێن " سبته وملیله " یێن ئیسپانی هاتنه تۆماركرن ئه‌وژی نه د ریێا ده‌ریا سپی ڤه گه‌هشتنه هه‌ردو باژارۆكان .
كۆمیسه‌ریا نه‌ته‌وێن یه‌كگرتی ئه‌شكه‌ره‌كر كو ب ڤێ چه‌ندێ ژماره‌یا په‌نابه‌رێن كو خوه گه‌هاندنه وه‌لاتێن یه‌كیتیا ئۆرۆپا گه‌هشتیه ( 120205 ) په‌نابه‌ری , وبه‌راورد ب سالا بووری رێژه‌یا په‌نابه‌ریێ كێمتر بوویه .
كۆمیسه‌ریا ناڤ هاتی دازانین كو د سالا ( 2015 ) ان ده بهتر ژ مه‌لیۆنه‌ك په‌نابه‌ری روو ل وه‌لاتێن یه‌كیتیا ئۆرۆپا كر , و ( 3800 ) په‌نابه‌ری د ده‌ریا سپی ده ژیانا خوه ژ ده‌ستدان .
دۆسه‌یا په‌نابه‌ران د سالا ( 2018 ) ان ده كریزه‌كه دبلۆماسی د ناڤا وه‌لاتێن یه‌كیتیا ئۆرۆپا ده دروست كر , وب تایبه‌تی پشتی كو ئیتالیا كه‌نار وبه‌رئاڤێن خوه ل پێشیا گه‌میێن كو په‌نابه‌ر ڤه‌دگوهاستن داخست .
432
