د سالا 2018ان ده 82 فلهستينى دبن ئهشكهنجێ ده هاتنه كوشتن
گروپا شوپاندن وبهلگهكرنێ د گروپا كار ژ بو فلهستینێن سووریێ راگهاندن كو وان كاریبو د سالا 2018ان ده 82 بویهرێن كوشتنا وهلاتیێن فلهستینى د بن ئهشكهنجێ ده د زندانێن رێژیما سووریێ ده بهلگه بكن .
گروپا ناڤبوری د راپورتهكه فهرمى ده ئهشكهره كر كو ئهگهر ههیه كو هژمارا فهرمى بێهتر به ژ ئارمارێن كو هاتنه بهلگه كرن ژ بهر كو رێژیما سووریێ تو زانیاریان ل سهر ناڤ یان هژمارا كهسێن گرتى ل جهم خوه ناده ههروهها كهس وكارێن گرتیان ژى نهوێرن ئهشكهره بكن كو گرتیێن وان د بن ئهشكهنجێ ده هاتنه كوشتن ژ ترسا رێژیما سووریێ ودهزگههێن وی یێن ئهولههى .
گروپا كار ژ بو فلهستینێن سووریێ بهریا نهها راگهاندبون كو بیهترى 1711 پهنابهرێن فلهستینى د زندانێن رێژیما سووریێ ده نه وتو زانیارى ل سهر ژیانا یان چارهنڤیسا وان تا نهها نینه .
ل گورى ئامارێن ناڤدهولهتى كو دهردورا نیڤ ملیون پهنابهرێن فلهستینى ل سووریێ دمینن و ل شهش پارێزگههان بهلاڤ دبن لێ پرانیا وان ل شامێ بجه بونه وبتایبهت ل كامپا پهرموك كو رێژیما سووریێ بو ههیامهكه دور ودرێژ ئهو كامپ دورپێچ كربو .
تورا سورى یا مافێ مروڤان راگهاند بو كو نیزیكی ههزار كهسى ل سووریێ دبن ئهشكهنجێ ده د سالا 2018ان ده هاتن كوشتن دناڤ وان ده 12 كهس د ههیڤا داوى ده هاتن كوشتن .
ل گوری راپورتا تورا سوری یا مافێ مروڤان كو 976 كهس ل سهر دهستێ ئالیێن سهرهكه ل سووریێ دبن ئهشكهنجێ ده هاتن كوشتن كو هژمارا پر ژ وان ل سهر دهستێ رێژیما سووریێ بون .
460
