رێژیما ئەسەد د بنپێكرنا دەڤەرێن كێمرنا ئاستێ شەر دە لسوریێ بەردەوامە

ارك نیوز .. هێزێن رێژیما ئەسەد و مێلیسێن بسەرڤە د بنپێكرنا دەڤەرێن كێمكرنا ئاستێ شەر دە لسوریێ یاكو ژ ئالیێ توركیێ و روسیێ ڤە هاتیە راگهاندن بەردەوامە .

رەوانگەها سوریێ یا مافێ مرۆڤان راگهاند كو هێزێن رێژیما ئەسەد هەر یەك ژ باژارۆكێ مۆرك و اللتامنە و گوندێ لتمین لباكورێ گوندەوارێ حمایێ بتوندی بومبەباران كرن ، هەڤدەمی تۆپبارانكرنا دەڤەرێن ل دەردۆرا گوندێ عتشان لگوندەوارێ حمایێ كو د ئەنجاما وان ئێریشان دە زیانێن جانی و مادی روو دان .

لگوندەوارێ ئدلبێ ژی رەوانگەهێ دیار كر كو باژارێ خان شێخون و دەڤەرێن ل گوندێ سكیك لباشورێ گوندەوارێ ئدلبێ ژ ئالیێ رێژیما ئەسەد و مێلیسێن بسەرڤە بتوندی هاتن ئارمانجكرن كو د ئەنجامێ دە هەژمارەك قربانی كەتن سەرباری گهشتنا زیانێن مادی مەزن لسەر مال و ملكێن وەلاتیان ، ئەوژی هەڤدەمی روودانا شەر و پەڤچەنێن توند دناڤبەرا هێزێن رێژیمێ ژ ئالیەكی و دەستەیا تحریر ئەلشام و گروپێن ئسلامی ژ ئالیەكی دنڤە لسەر تەوەرێن ل دەردۆرا دەڤەرا تل بزام لگوندەواری حمایێ .

هەروەا رەونگەهێ سەربار كر كو ل ئالیەكی دنژی وبتایبەتی لچیایێ توركمان لگوندەوارێ لازقیێ ئەو دەڤەر راستی ئێریشێن تووند هات كو د ئەنجامی دە زیانین مادی كەتن .

دەرباری باژارێ حەلەبێ و گوندەوارێن وێ رەوانگەهێ دا زانین كو شەر و چەڤچونێن دژوار دناڤبەرا هێزێن رێژیما ئەسەد و مێلسێن بسەرڤە و چەكدارێن بسەر گروپێن ئسلامی ل سەر تەوەرێن تاخا الزهرا و دەڤەرا ڤەكۆلینێن پراكتیكی لرۆژئاڤایێ گوندەوارێ حەلەبێ كو لژێر دەڤەرا كێمكرنا ئاستێ شەر دەیە روو دان ، هەڤدەمی بومبەبارانكرنا دەڤەرا ئەلراشدین و دەڤەرا پراكتیكی كو د ئەنجامێ دە هەژمارەك وەلاتیین سڤیل بوونە قربانی .

هەروەها رەوانگەها سوریێ یا مافێ مرۆڤان راگهاند كو ژبلی ئارمانجكرنا دەڤەرێن كێمكرنا ئاستێ شەر لسوریێ هێزێن رێژیما ئەسەد د بنپێكرنا دەڤەرا بێ چەكدە ژی ل گوندەوارێ ئدلبێ بەردەوامە كو شەڤا بورری چەكدارێن رێژیمێ هەژمارەك دەڤەر ل سەهل ئەلغاب لگوندەوارێ ئدلبێ بتوندی ئارمانج كرن .

لافا عبدو

423