پەنابەرێن سووریێ دەست ب كارەكی نوو ل ئوردنێ كرنە

ب تەنێ سەبر و هیڤێ ئەڤ ژن گهاندنە هەڤ، خوارنگەهەكە دلیڤەری د ناڤا مالا خوە دە ئاڤاكرنە ، پشتی كو د رییا چارەسەركرنا زارۆكێن خوە دە ژ نەخوەشییا پەنجەشێرێ هەڤ ناسكرنە، د ناڤا وان دە ژی، ژنەكە سووری هەیە، دیا تقی هاتیە ئوردنێ ژبۆ چارەسەركرنا كەچا خوە ژ پەنچەشێرا مەژی" د رییا چارسەركرنا كەچا خوە رەة گەهشتە ڤان هەردوو ژنێن ئوردنی، هەرسی بوونە هەڤال، وهەڤالتیا وان ل سەر بنگەها ئاڤاكرنا پرۆژەیەكە پچووكە ئەوی خوارنگەهەكە دلیڤەری یە و داخوازێن خەلكێ ژ خوارنێ بجه دكن.

دایكا تقی:" كەچا من گەلەك پێدڤیێن وێ هەنە ژبلی چارەسەریێ، دڤێ ڤەگەرە دبستانا خوە، هەڤژینێ من ژی نەخوەشە، كەس نینە مە خوەدی بكە، هەردوو هەوجەیێ گوهدانێ وپشتەڤانییا منن".

هەر سبەه، ئەڤ ژن دجڤن، ژبۆ ئامادەكاریێن كارێ خوە بكن،

ژنەكە ئوردنی:" ئەم بوونە ژ خویشكا نیزیكتری هەڤ، خەم وخەیالێن مە یەكن، وئەم گەلەكی هەڤال وخویشكن، ودل وگوهێ مە ل سەر هەڤە خەمێن مە یەكە، ئەم لهەڤهاتبوون ل سەر بنگەها كو ئەم بهەڤرە ڤی پرۆژەیی بەرییا نێزیكی سالەكی ڤەكن، ومە ژبەری 3 مهان دەستپێكر".

حكومەتا ئوردنێ، ڤێ داویێ دە، رێ دا سووریان كو ژبۆ خوە كار د ناڤا مالا خوە دە بكن، وئەڤ بریار دێ گەلەكێ باندۆرەكە زندی ل سەر گەلەك كەسان بكە، ژبەر كو گەلەك پیشە ل پێشییا كاركەرێن نە ئوردنی هاتن گرتن.

دایكا تقی:" بۆنمۆنە، ئەز ، هەڤالێن من ب من رە نە، وئەمێ دەست ب پرۆژەیا خوە بكن وئەوژی پرۆژەیا خوارنگەهەكە ناڤمالی یە، وژبۆ قەویتی و دلیڤەریێ ژ مالێ نە، وئەم دێ، مولەتا فەرمی ژبۆ كارێ خوە دەرخینن، سپاس ژبۆ خودێ، رەوش پێشییا من وهەڤالێ من خوەشكر".

د ڤێ مالێ دە، بەرهەمەكە خوەمالی دەردكەڤە و سێ مالبات دەبارا خوە پێ دكن وچارسەرییا زارۆكێن خوە ژ نەخوەشییا پەنجەشێرێ دكە، دەركەتنا بریارەكێ كو رێ بدە پەنابەرێن سووریێ دناڤانا مالێن خوە دە، كار ژبۆ خوە بكن، دی گەلەكی ئالیكارییا وان بكە، وپەنابەرێن سووریێ هیڤیا دەركەتنا رێنمایێن تایبەت یێ ڤی یاسایێ نە كو وەزارەتا پلاندنان و ئالیكاریا ئوردنی ناڤدەولەتی و كۆمسیۆنا پەنابەرێن سەر نەتەویێن یەكگرتی ڤە دەردكەڤە.

بریار تایبەتە ب پەنابەرێن سووریێ ل ئوردنێ و رێ ددە ئاڤاكرنا پرۆژەێن كارێن مالێ بێ كو پێویستییا وان ب هەڤپارەكی ئوردنی هەبە، وملكییەتا وێ 100%.

نوونەرێ كۆمسیۆنا نەتەویێن یەكگرتی یا پەنابەران:" بەسە مرۆڤ بكارە خێزانەكە پەنابەری حەوجەدار بگوره وبكە خیزانەكە كو ژبۆ پەیداكرنا پیدڤێن ژیانا خوە پشت ب كارێن خوە گرێ بدە، دگەل ڤێ پرۆژەیا كێمكرنا ئالیكارییان ی اكو سال پشتی سالێ ژ ئالیێ نەتەویێن یەكگرتی ڤە كێم دبە، وئەڤ یەك ژی تشتەكی پر گرنگە، ودێ گەلەكی ئالیكار بە، ژبۆ دابینكرنا ژیانا ڤان پەنابەران و وان بپارێزە".

ڤی بریارێ رێ دایە پەنابەران ل كامپێن پەنابەرێن سووریێ ل ئوردنێ كو كار دناڤا مالێن خوە دە بكن د هەموو بۆاری دە.

ر.ع

379