ئەردۆغان دبێژە ئەو د دەمەكە نێزیك دە لگەل پۆتین بجڤە

ارك نیوز .. رەجەب تەیب ئەردۆغان سەرۆكێ توركیی راگهاند كو ئەوێ د رۆژێن بێ دە سەرەدانا موسكویێ بكە ولگەل فلادیمێر پۆتین سەرۆكێ روسیا بجڤە .

پشتی بداویهاتنا جڤینا پەرلەمەنتۆیا توركی ل ئەنقەرایێ سەرۆكێ توركیێ كونگرەك رۆژنەمەڤانی لدارخست و تێدە راگهاند كو بریارە ئیرۆ چارشەمێ شاندەكە توركی بەرێ خوە بدە مۆسكۆ پایتەختا روسیێ و لگەل بەرپرسیارێن روسی بجڤن .

رەجەب تەیب ئەردۆغان د بەرداوامیا گۆتنا خوە دە دیار كر ژی كو بریارە د رۆژێن بێ دە ب فەرمی سەرەدانا موسكویێ بكە ولگەل هەڤشانێ خوە یێ روسی فلادیمێر پۆتین بجڤە بێ كۆ هوورگولیین وێ سەرەدانێ بدە دیاركرن .

لێ ژ ئالیی خوەڤە ئاژانسا تاس یا روسی لسەر زارێ ئەردۆغان سەرۆكێ توركیێ ڤەگوهەست كو ناڤەرۆكا وێ هەڤدیتنێ وێ دەرباری ڤەكشاندنا هێزێن ئەمەریكی ژ سوریێ بە بتایبەتی كو وەلاتی روسیی پێشوازی ل بریارا سەرۆكێ ئەمەریكا ژ ڤەكشانا هێزێن ئەمەریكی لسوریی كر كو ئەڤ یەك دەستپێشخوەریەكە باشە بەرەڤ چارەسەركرنا كریزا سوریێ یە .

راگهاندنا ئەنجامدانا هەڤدیتنا دناڤبەرا هەردوو سەرۆكان ئەردۆغان و پۆتین تێ د دەما كو سەرۆكاتیا توركیێ ڤەخوەندنك ئاراستی دۆنالد ترامپ سەرۆكێ ئەمەریكا كر ژبۆ سەرەدانا ئەنقەرایی بكە بێ كو دەما وێ سەرەدانێ دەستنیشان بكە .

پشتی راگهاندنا سەرۆكێ ئەمەریكا ژ ڤەكشاندنا هێزێن ئەمەریكی ژ سوریی كارڤەدانەك مەزن ل پەی خوەڤە ئانی لسەر ئاستا ناڤدەولتی بتایبەتی پشتی كو ئەمەریكا دیار كر كو ئەو ڤالاهیا كو ئەمەریكا ل دەڤەرێ درست بكە وێ توركیی وێ ڤالاهیی داگرە .

ژ ئالیی خوەڤە ژی مولود چاویش ئۆغلۆ وەزیرێ دەرڤە یێ توركیێ دۆه راگهاندبوو كو ئەوێ لگەل بەپرسیارێن روسی ل مۆسكۆیی بجڤە ژبۆ گەنگەشەكرنا داوین پێشهاتیین سوریێ.، و تەكەز كر وگۆت كو پەیوەندیین دناڤبەرا توركیی و روسیی گەلەكی ئەرێنینە .

داوین هەڤدیتن دناڤبەرا ئەردۆغان و پۆتین هات ئەنجام دان د نیڤێ مژدارا بووری ل توركیی بوو كو د هەرسی مەهێن بووری دە پۆتین و ئەردۆغان گەلەك جڤین دەرباری سوریی ئەنجام دان .

لافا عبدو

615