الحریری: ئەم دگەل ڤەكشینا ئەمەریكی نە لێ ب هەماهنگی دگەل ئارتێشا ئازاد و توركیێ

دوه رۆژا یەكشەممێ (24.12.2018)، دەستەیا دانووستاندكاراسووریێ، پشتەڤانیا خوە ژبۆ ڤەكشینا هێزێن ئەمەریكا ژ سووریێ نیشان دا، لێ پشتی كو هەماهنگیێ ب ئارتێشا ئازاد سووریێ و حكوومەتا توركیێ رە بكە، ودا زانین كو ڤەكشینا ژ نشكی ڤە دبە كو ڤالاهییەكێ چێ بكە و رێژیما ئەسەد و هەڤالبەندێن وێ دەرفەت خوە تێدە بستینن.

سەرۆكێ دەستەیێ، الدكتور نصر الحریری، ل سەر ئاكاونتێ خوە د مالپەرا تویتر دە ، راگهاند كو هەر ڤەكشینەك بلەزوبەز وبێ خوەندن بە ژ ئالیێ ئەمەریكا ڤە، دبە كو ڤالاهییەكێ ب جه بهێلە و دێ رێژیما ئەسەد و میلیسیایێن ئیرانی میلدارێن وێ یان رێخستنا تەرۆرستی داعش هەولا داگرتنا وێ ڤالەهیێ ژبۆ خوە بكە.

الحریری هەروەها گۆت:" مە ئاگاهیێن تەمام هەنە كول ڤ وتەڤگەرەكە هێزێن رێژیمێ و میلیسیایێن ئیرانی هەولا وەبەرهێنانا ڤی بریارا ڤەكشینا ئەمەریكا دكن و هەول ددن جارەكی دن وان ناڤچەیێن كو هێزێن ئەمەریكا ژێ ڤەكشە، كۆنترۆل بكن."

الحریری ئەشكەرە كو بەرپرسێن ئەمەریكی ب ئاوایەكی فەرمی ژ دەستەیێ رە بریارا ڤەكشینا لەزوبەر یا هەموو هێزێن ئەمەریكا ژ سووریێ گۆتنە، وهەورها ژ دەستەێ دیاركرنە كود ی ئەمەریكا بەردەوامە بە ل سەر دەستڤەئانینا كارنامەیا خوە كو ئەوژی شەرێ تەرۆرێ یە ودەرخستنا ئیرانێ و دیتنا چارەسەرییەكە سیاسی ل گۆر بریارا ئەنجومانا ئەولەهیێ (2254) د سووریێ دە.

الحریری گۆت:" رێخستنا داعشێ هێژی ب داوی نە هاتییە، وسەدەمێن بنگەهینی یێ دەركەتنا داعشێ نە هاتنە ژناڤبرن، و ژ دەستپێكا راگهاندنا رێژیما سووریێ شەر ل سەر مللەتی سووریێ، هەموو نهامەت وكارەساتیێن كو هاتنە سەرێ مللەتێ سووریێ رێژیما ئەسەد ومیلیسیایێن ئیرانێ بەرپرسە د بەر دە ."

ر.ع

390