رێكەفتنا ناڤچەیێن كێمكرنا ئاستا شەر ل سووریێ ژ ئالیێ رۆسیێ وهەڤالبەندێن وێ ڤە تێ بنپێكرن

بنپێكرنا رێكەفتنا سوتشی یا دناڤبەرا رۆسیێ وتوركێ دە ل سەر ناڤچەیا كێمكرنا ئاستا شەر یا داویێ ژ ئالیێ رۆسیێ و رێژیما ئەسەد و میلیسیایێن ئیرانی ڤە.

رێژیما سووریێ و هەڤالبەندێن وی رۆسێ و ئیرانێ سێ ناڤچە ل ئدلبێ و پارێزگەهەێن حماە و حلب و لازقییە بنپێكرن، هەر وها میلیسیایێن ئیرانی ورێژیما ئەسەد ئامادەكاریێن خوە دكن ناڤچەیا دوای یا كێمكرنا ئاستا شەر پێش هاتنا رێكەفتنا سوتشی ب تەمامی كۆنترۆل بكن ژبەر كو رێكەفتنا سوتشی دبە كو داخوازا راوەستانا ئۆپەراسیۆنێن لەشكەری بكە .

ئیرۆ(24.12.2018)، راپۆرتەك تۆرا سووریێ ما فێن مرۆڤان ل سەر ناڤچەیێن كێمكرنا ئاستا شەر بلاڤ بووییە وتێدە بەحسا رەوشا ڤان ناڤچەیان دكە وبنپێكرنێن هەری دیار یێن رێكەفتنا سوتشی دكە، ژ دەما بجهكرنا وێ د مەها گولانا سالا بۆری(2017) هەتا كو (23) بەرچلە یا ڤێ سالێ(2018)وتەكەزی كرییە سەر ئامادەكاریێن ئۆپەراسیۆنێن لەشكەری سوری ورۆسی بەری ل دارخستنا رێكەفتنا سوتشی كو (17) ئەیلۆنا ڤێ سالێ(2018) دە هاتبوو ل دارخستن، كو باندۆرا وان بنپێكرنان ل سەر تەڤگەرا دەربەدەریێ گەلەكی بەرچاڤ بوو .

هەر ل گۆر راپۆرتێ، پارێزگەها ئدلبێ، مینا خێوەتگەهەك هێمن و ئارام بوو ژ پرانیا مشەخت و پەنابەریێن سووریێ رە كو بەهەزاران ژ وەلاتیێن سووریێ ژ گوندەوارێ شامێ و حمصێ و حمایێ بەرێ خوە دا بوون ئدلبێ، ئەو یەك ژی پشتی ئیریشا هێزێن رۆسیێ ل سەر ناڤچەیێن كێمكرنا ئاستا شەر و فشارا وێ ل سەر خەلكێن وان ناڤچەیا دا كو نەچار بن ولهەڤهاتنێ ب رێژیمێ رە بكن ، ژ خوە پشتی لهەڤهاتنێ رێژیمێ جارەكی دن خوە ڤەگەریا و ب هانەیێن جودا جودا دەست بهلمەتێن گرتن و ئەشكەنجی وتوونەكرنێ ل وان دەڤەران كرییە و پشتی كریارێن رێژیمی جارەكی دن ، لڤ وتەڤگەرەك شۆرەشگەری ل پارێزگەها دەرعایێ و خوەپێشنادن و نڤیساندنا ل سەر دیوارێن رێژیمێ درەكەتییە، كو یەكەمین باژارێ شۆرەشا سووریێ تێناسكرن و یەك ژ ناڤچەیێن رێكەفتنا كێمكرنا ئاستا شەر بوو.

ر.ع

575