رۆسیا: هەبوونا توركیێ د سووریێ دە رەوایی یە و یا ئەمەریكا نە رەوای یە

رۆسیێ دبێژە هەبوونا لەشكەری یا توركیێ ل پارێزگەها ئدلبا سووریێ ب رێكەفتن دگەل رێژما ئەسەد رە هاتییە كرن و وگۆمانا مە د ڤەكشینا هێزێن ئەمەریكا ژ سووریێ دە، هەیە.

وەزیری دەرڤە یێ رۆسیێ، سیرغی لافرۆف، رۆژا دووشممێ(24.12.2018)، گۆت:" هەبونا توركیێ ل پارێزگەها ئدلبێ ل باكۆریێ سووریێ ب رێكەفتن دگەل رێژیما ئەسەدە ."

لا فرۆف ژ ئاژانسا نوفوستی یا رۆسی رە گۆت :" بجهكرنا رێكەفتنێن رۆسیێ و توركیێ دەربارێ ئدلبێ دە ل رێكەفتنا سوتشی یا (17) مەها سپتەمبەرێ دە هاتییە ئمزاكرن، و مینا ناڤچەیا داوی یا ئاستێ كێمكرنا شەرە ل چارچۆڤەیا دانووستاندنێن ئاستیانا دە هاتییە. و ژەبەر وێ یەكی خالێن چاڤدێریێ یێن توركیێ ل دەروبەرێ ناڤچەیێ ژ ئالیێ هندورێ سووریێ ڤە هاتن دانین و خالێن چاڤدێریێ یێ رۆسیێ و ئیرانێ ژ ئالیێ ژدەرڤە هاتن دانین."

هەڤدەمی ڤێ یەكێ، سەرۆكێ رۆسێ فلادیمیر پۆتین، رەخنە ل بریارا ترامپ یا ڤەكشینا هێزێن ئەمەریكی ژ سووریێ، گرت و گۆت:" شك وگۆمان من د ڤێ بریارێ دە، هەیە."

پشتی كو سەرۆكێ ئەمەریكا رۆژا چارشەمما بۆری (19.12.2018)،بریارا ڤەكشینا هێزێن ئەمەریكا ژ سووریێ راگهاند گەلەك كارڤەدان دەركەتن چ ل سەر ئاستێ ناڤخوەیێ ئەمەریكا وسووریێ بە وچ ل سەر ئاستێ ناڤدەولەتی بە وچاڤدێرێن سیاسی ولەشكەری ماتمایی ژ وێ بریارا ترامپ مابوون.

ل سەر ئاستێن دەولەتێن هەڤپەیمان ژی، كارڤەدانا بریتانیا وسا بوو، بریارا ترامپ رەخنە نەكر، لێ گۆت:" رێخستنا دەولەتا ئیسلامی داعش هێژی گەفێ چێ دكە تەڤی كو گەلەك ژ ئەندامێن وی نەمانە".

ل همبەر بریارا ترامپ، مۆسكۆ بریارا ڤەكشینا هێزێن ئەمەریكی ب كاڤەگە راست ودورست وەسف كر و پێشوازی لێ كر، ودا زانین كو، دێ ئاسویێن چارەسەرییا سیاسی ل سووریێ ڤەكە، لێ رۆسیێ گۆمانێ د بجی كرنا ڤێ بریارێ دە دبینە ول گۆر رۆسان دبە ئەمەركیا نە جدی بە ، ژبەر كو ئەمەریكا چەندێ سالانە دبێژە ئەزێ ژ ئەڤغانستانێ بكشم ، لێ هێژی وا د ئەڤغانستانێ دە یە.

ر.ع

375