150 ژ هۆزێن سووریێ پشته‌ڤانییا ئۆپه‌راسیۆنا توركیێ دكن
ب چوونا هێزێن پێشمه‌ركه‌ێن رۆژ ژبۆ خاكا رۆژئاڤایێ كوردستانێ هێڤی وئۆمیده‌كه مه‌زن ل جه‌م خه‌لكێ سڤێل یێن كوردستانا سووریێ چێكر ودگۆتن ئه‌گه‌ر یه‌كرێزییه‌ك ولهه‌ڤهاتنه‌ك ناڤبه‌را ئالیێن كوردی چ سیاسی به یان ژی له‌شكه‌ری به چێبه ئێدی تو كه‌س نكاره ده‌رباس ناڤ خاكا كوردستان سووریێ ببه .
لێ نه‌په‌ژراندنا په‌یه‌دێ ژ هه‌بوونا هێزێن پێشمه‌ركه‌ێن رۆژ دلێ خه‌لكێ سڤیل ب وێ یه‌كێ هاته شكاندن وچلمساندن ومه‌رتسییا پێكئانینا توركیێ ژ پۆپه‌راسیۆنه‌كه له‌شكه‌ری زێده بوو.
د ده‌ما كو رۆژانه پارتی و ئالیێن كوردی ل كوردستان سووریێ د تۆمه‌تباركرنا هه‌ڤدو ده به‌رداوامن ئالیێن عه‌ربی نه‌خاسم یێن ئۆپۆزسیونا سووریێ ب هه‌ردوو به‌شێن خوه یێن سیاسی و له‌شكه‌ری ب ده‌نگێن بلند بانگ دكن ودبێژن ئه‌و ب ئۆپه‌راسیۆنا توركیێ ره نه وپشته‌ڤانییا خوه ژێره رادگهینن .
ل باژارێ عزازێ یێ باكوری پارێزگه‌ها یێ حه‌له‌بێ كو ئه‌و باژار دبن كونترولا توركیێ وگروپێن چه‌كدار ده‌یه 150 ژئێل وهوزێن ئۆپوزسیونا سووریێ پشته‌ڤانییا خوه ژ ئۆپه‌راسیۆنا سووریێ ره دانه خویاكرن .
ب ئامه‌ده‌بوونا سه‌رۆكێ هه‌ڤپه‌یمانییا نشتیمانی یا ئۆپۆزسۆنا سووریێ عبدالرحمن مصتفی 150ژ هۆز وئێلێن ئۆپۆزسیۆنا سووریێ ل گونده‌كی سه‌ر ب باژارێ عزازێ ڤه ل هه‌ڤ كۆم بوون وپشتگریا خوه ژ پێكئانینا توركیێ و گرۆپێن چه‌كدار ژ ئۆپه‌راسیۆنه‌كه له‌شكه‌ری دانه خویاكرن .
ژ بلی وێ یه‌كێ ژ ده‌ما راگهاندنا سه‌رۆكێ توركیێ كو ئه‌و دێ ب ئۆپه‌راسیۆنه‌كێ رابه وتا نها گرووپێن چه‌كدار ب دل وجان ئادمه‌كاریێن خوه د به‌شداریێ ده ئانینه زمان هه‌روه‌ها و د ئامه‌ده‌باشیێ ده نه .
به‌رۆڤاژی وێ یه‌كێ په‌یه‌دێ ل سه‌ر بریارا خوه رژده وناهێله پێشمه‌رگه پێره به‌شدار به لێ ل هه‌مبه‌رده هێزێن عه‌ربی ئیرانی سریانی دپه‌ژرینه كو ب وێ یه‌كێ بهانه‌یا توركیێ تێ سپاندن وچه‌سپاندن .
ش.ع
447
