هەڤپەیمانیا ناڤدەولتی ئێریشێن خوە لگوندەوارێ دێرا زۆرێ گووتر دكە

ارك نیوز .. رەوانگەها سوریێ یا مافێ مرۆڤان راگهاند كو هەڤپەیمانیا ناڤدەولتی یا لدژی داعشێ ئێریشێن خوە لسەر دەڤەرێن دبن كونترۆلا رێخستنا داعشێ یا تەرۆریست لگوندەوارێ دێرا زۆرێ گوور كریە .

هەمان رەوانگەهێ دیار كر كو دۆه دانێ عسرێ بالافرێن هەڤپەیمانیا ناڤدەولتی بتوندی دەڤەرێن دبن كونترۆلا داعشێ دە بومبەباران كرن هەڤدەمی تۆپبارانكرنا بالافرێن شەركەر یین هەڤپەیمانیێ ب زێدەتری شێست تۆبان لسەر هەمان دەڤەرێ .


هەروەها رەوانگەهێ دا دیار كرن كو ئیرۆ دانێ سبەهێ ژی بالافرێن هەڤپەیمانیا ناڤدەولتی یا لدژی داعشێ لسەر ئەسمانێ گوندەوارێ دێرا زۆرێ فرین هەڤدەومی بومبەبارانكرنا بالافرێن هەڤپەیمانێ بشێوەیەكی تووند لسەر داوین بنگەها رێخستنا تەرۆریست یا داعشێ لگوندەواێ دێرا زۆرێ كو د ئەنجامێ دە هەژمارەك مەزن ژ چەكدارێن داعشێ هاتن كوشتن .

هەروەها رەوانگەها سوریێ یا مافێ مرۆڤان ئەشكەرە كر كو ئەڤ ئۆپەراسیۆنێن ئەسمانی ژ ئالیی هەڤپەیمانیا ناڤدەولتی یا لدژی داعشێ تێ پشتی كو گروپەك ژ رێخستنا تەرۆریست یا داعشێ هەولا دەرباسبوونا باژارۆكێ هەچین لگوندەوارێ دێر زۆرێ دان و تەكەز كر كو پشتی دۆرپێچكرنا هەمان گروپا داعشێ بالافرێن هەڤپەیمانیێ كاریە ب چەند ئۆپەراسیۆنێن ئەسمانی بنگەهێن داعشێ ئارمانج بكە كو د ئەنجاما وێ ئێریشێ دە ئەو گروپا داعشێ یاكو ژ بێهتری یازدە چەكداران پێك دهات هاتن كوشتن .


هەر لگۆری ئامارێن رەوانگەها سوریێ یا مافێ مرۆڤان كو كو ژ دەهێ ئەیلوونا بوری و تا نها د ئەنجاما پێكئانینا ئۆپەراسیۆنێن ئەسمانی ژ ئالیێ بالافرێن هەڤپەیمانیا ناڤدەولتی یا لدژی داعشێ لسەر داوین بنگەها رێخستنا داعشێ لگوندەوارێ دێرا زۆرێ بێهتری نەهسەد و پێنجی و شەش چەكدارێن داعشێ هاتنە كوشتن .

هەر دەرباری ئێریشێن كو رێخستنا تەرۆریست یا داعشێ ئەنجام دایە لگوندەوارێ دێرا زۆرێ رەوانگەهێ ب بەلگە دیار كر كو د ئەنجاما وان ئێریشان دە 328 وەلاتیین سڤیل كو بێهتریا وان زارۆك و ژن بوون ژیانا خوە ژ دەست دان ... وئەشكەرە كر كو ژ دەهێ مژدارێ تا دەهێ ڤێ مەهێ زێدەتری 200 وەلاتیێن سڤیل د ئەنجاما ئێریشێن رێخستنا داعشێ یا تەرۆریست لگوندەواێ دێرا زۆرێ ژیانا خوە ژ دەست دان .

لافا عبدو

281