پهیهدێ تهقینێن عهفرینێ ل خوه دگره
ل عهفرینا رۆژئاڤایێ كوردستانێ زنجيرا تهقينێن تهرۆری هین بهردوامه وبداوی نههاتیه كو ئهو تهقین گرووپێن چهكدار وهك تولهلدانهكێ دناڤبهرا ههڤدوو ده پێ رادبن وب تهنێ ئالیگرێن پهیهدێ وان تهقینان ل خوه دگرن وبهانهیێن گرتن وبنچاڤكرنا وهلاتیێن سڤیل ژئالیێ توركیێ ڤه بهێزتر وخورتر دكن .
لخوهگرتنا پهیهدێ ژتهقینێن تهرۆری دهێله كو توركیێ و گرووپێن چهكدار ب سهربستی ب كارێ تهڤلیههڤیێ و گرتنێ رابن داكو ب بهانهیا شانێن ڤشارتی یێن پهیهدێ بگرن وب وێ یهكێ كارێ دزیێ و خوهستنا پهرهیان ل ههمبهر سهربست بهردانه وان گرتییان بخوازن وههروهها بهشهك مهزن ژ سروشتا عهفرینێ ژ داران هاتیه شاوتدن ب ههمان بهانهیێ كو هین چهكدارێن پهیهدێ ل چیایێن عهفرینێ ههنه.
د 13ا بهرچلهیا 2018 دهردۆرا دهمژمێر نههێ شهڤێ تهقینهك ل پێش نانپێژخانهیا ئهبوو عیماد ل سهر ریا راجۆ نێزیك ههردوو دبستانێن فێسهل قدوورا كهڤن ودبستانا رێفیێ چێبوو ود ئهنجامدا وهلاتییهك كورد شههید كهت و زیانێن مادی یێن گران گهشتن مال وملكێن وهلاتیێن سڤیل .
ژ كهسێن هاتنه ناسكرن وهلاتیێ ب ناڤێ زهكی شكهری ژ مالباتا دێلێ یه
زهكی شكرێ كارێ جێكرنا ماتۆران ل ناڤهندا باژارێ عهفرینێ ل سهر ریا راجۆ دكر و د ئهنجاما تهقینا تهرۆری ژیانا خوه ژ دهست دا شههید بوو
د ههمان رۆژێ ده ئۆدهیا غهدهب زهیتوون كو پهیهدێ ئهو ئۆده ل خوه گرتیه تهقینا ریا راجۆ یا ل پێش نانپێزخانهیا ئهبوو عیماد ل خوه گرت و داخویانییهك ل سهر مالبهرا خوه راگهاند تێده بهحسا كوشتنا چهتهیان كر بێ كو بهحسا شههیدێ سڤیل یێ ب ناڤێ زكی شكری كو د وێ تهقینێ هاتیه تهرۆركرن بكه .
ههمان ئۆدهیا غهدهب زهیتوون د 6/8/2018 كوشتنا ئهندامێ ئهنجومهنا خوهجهی یا ناڤچهیا شهرا عكاش حجی ئهحمهد یێ ژ گوندێ دێرسوانێ ل خوه گرتبوو
پشتره هاته خویاكرن كو عكاش حجی ئهحمهد ژ ئالیێ گرووپێن چهكدار یێن ل عهفرینێ هاتبوو ئارمانجكرن وهین د ژیانێ ده یه ونه ل جهم پهیهدێ یه ژبهر كو تهرمێ وی نه لجهێ خوه بوو ههروهها تو تێكلی وپهیوهندیێن پهیهدێ ب وێ ئۆپهراسیۆنێ ره تونهیه وب وێ یهكێ گهلهك پرس دهركهتن مهیدانێ وهك پهیوهندیێن پهیهدێ ب هن گرووپان ره ههیه یان ئۆدهیا غهدهب زهیتوون ههر ل سهر ب گرووپێن چهكدار ڤه یه وب تهنێ پهیهدێ وان ئۆپهراسیۆنان لخوه دگرن .
ژ بلی غهدهب زهیتوون مالپهرا یهپهگێ وهاوار ب فهرمی تهقینێن عهفرینێ ههر دهم ودهمهكێ ده ل خوه دگرن ویا بالكێش كو ئارمانجكرنا سڤیلان ژی ل خوه دگرن نهخاسم ل گوندێ كۆلیا ژۆر یا ناڤچهیا راجۆ د 19/10/201/ مایینهك د هن وهلاتیێن سڤیل ده تهقییا و وولاتیێ ب ناڤێ علی بشیر علی شههید بوو وبرایێ وی وبرازیێ وی بریندار بوون و مالپهرا هاوار یا پهیهدێ ئهو تهقین ل خوه گرت كو د وێ تهقینێ ب تهنێ سڤیل بوو بوون قوربانی و تو چهكدار د وێ تهقینێ نههاتن كوشتن وئهو یهك ب ئۆپهراسیۆنهكه لهشكهری ب ناڤ كر و گۆت كو چهته هاتن كوشتن ب تایبهتی د وێ رۆژێ تو بوویهر ژ بلی تهقینا مایینهكێ ب تهراكتۆرێ علی بشیر علی ده نههاتبوو روودان
ژ دهسپێكا دهرباسبوونا توركیێ و گرووپێن چهكدار ژ بۆ عهفرینێ و ڤهكشانا پهیهدێ ژبۆ دهڤهرێن دهردۆرا حهلهبێ و زنجیرا تهقیینان بهردهوامه و ب تهنێ خهلكێ عهفرینێ راستی زیانان تێ ومال وملكێن وان تێنه رووخاندن ومهترسییهك د ناڤ وان تێ بهلاڤكرن .
ش.ع
539
