د.بسام مرعی سپاسنامەیەك دەربارێ كێشەیا كەچا خوە "زین" دە بلاڤكر

باڤێ خوەندەكارا كورد یا كۆلێژا پزیشكی زین مرعی سپاسیا هەموو ئالیێن كو هەڤخەمی كەچا وی بوون، كر.

كەسایەتیا كوردێ سووریێ كو ل هەریما كوردستانێ نشتەچی یە ، الدكتور بسام مرعی ئیرۆ، پشتی كو كەچا وی (زین مرعی وخوەندەكارێ بناڤێ علی دمر) راستی ئاستەنگیێ د وەرگرتنا خوەندنا خوە دە ل كۆلیژا پزیشكی ل هەولێرێ هاتبوون و پشتی هەولێن یەكیتیا خوەندەڤان و جوانێن دەمۆقراتی كوردستانی – رۆژئاڤا، سپاسنامەیەك بەلاڤ كر .

بسام مرعی د سپاسنامەیا خوە دە، سپاسیا حكومەتا كوردستانێ وئالیێن پەیوەندیدار كر كو ب هەزاران پەنابەرێن كوردێن سووریێ همبێز كرنە ژ چەندێ سالان ڤە، وبەرپرسیاریتیا وان هلگرتییە و بریار ستاندنی یە كور ێ بدن خوەندەكارێن كوردێن سووریێ یێن نشتەجیێن هەرێمێنە بخوینن و خوەندنا خوە یا زانینگەهێ ل كۆلیجێن هەرێما كوردستان تەمام بكن.

مرعی هەروسا سپاسیا یەكیتیا خوەندەڤان وجوانێن دەمۆقراتی كوردستانی رۆژئاڤا و نوونەراتیا ئەنجومانا نشتیمانیا كوردی ل هەرێما كوردستانێ وئۆفیسا پەیوەندیێن نشتیمانی یا پارتی دەمۆقراتی كوردستان – سوریا كر ، كو بەرپرسیاریتیا چارەسەركرنا ڤان پرسان هلگرە ، بخوە ژ ئەركێن وانە شۆپاندنا ڤان مژاران بكن و چارەسەریێ ژوان رە ببینن.

الدكتور بسام مرعی سپاسیەك تایبەت ژ راگهاندنا كوردی ب تایبەتی كەنالا رووداو و كوردستان بیست وچار و دەڤگەها ئاركێ رە ژی كرییە كو مژارا چارسەركرنا كێشەیا ڤان هەردوو خوەندەكاران شۆپاندی یە.

خوەندەكارا بناڤێ زین مرعی وعلی شیخ خوەندا خوە یا ئامادەیی ل دبستانێن هەرێما كوردستانێ خوەندیبوون و ب پلەیێن باشترین دەرچوون و ل زانینگەهێن پژیشكی ل هەریما كوردستانێ هاتبوون وەرگرتن ، لێ پشتی دەمەكی رێڤبەریا كۆلیجێن وان ژ وان خوەسبوون كو برە پارە ل همبەر خوەندنا خوە بدن یا دڤی ئالیێەك پشتەڤانیا وان بكە لێ، ئیدی مژارا هەردوو خوەندەڤانا بوو مژارا راگهاندنا كوردی و رایا گشتی و ئێدی پشتی هەولێن یەكیتیا خوەندەڤان وجوانین دەمۆقراتی كوردستانی – رۆژئاڤا و ئۆفیسا پەیوەندنێن نشتیمانی یا پارتیا دەمقۆراتی كوردستان – سوریا ، پرسا هەردوو خوەندەكاران هات چارەسەركرن و ڤەگەریان كۆلیجێن خوە ودێ بەردەوامیێ ب خوەندنا خوە بدن.

ر.ع

389