ئالیكاریێن مرۆڤی ژ ئالیێ نەتەوێن یكگرتی ڤە وێ بگهێن سوریێ

ارك نیوز .. رێخستنا ئۆتشا یا هەماهەنگیێ ژبۆ كاروبارێن مرۆڤی یا بسەر نەتەوێن یكگرتی ڤە دەسپێكرنا پرۆسەیا مرۆڤی ژبۆ دەرباسكرنا ئالیكاریێن مرۆڤی ژبۆ سوریێ د ریێا دەرگەهێ نصیب یێ هەڤسینۆر ب ئۆردنێ رە راگهاند .

د داخویانیەكێ دە رێخستنا ئۆتشا یا كاروبارێن مرۆڤی دیار كر كو كاروانەك ژ ئالیكارێین مرۆڤی كو ژ سێسەد و شێست و نەه بارهلگران پێك تێ و ئالیكاری 11000 و 200 تەنن وێ دەرباسی خاكا سوریێ ببە د ریێا دەرگەهێ نسیب یێ هەڤسینۆرێ ب ئۆردنێ رە
هەمان رێخستنێ دا زانین كو كو ئەو ئالیكاریین مرۆڤی یین كو وێ وەرن شاندن ژبۆ سورێێ تێرا بیهتری شەسەد و پێنجی هەزار كەسی دكە .

رێخستنا هۆتشا یا هەماهەنگیێ ژبۆ كاروبارێن مرۆڤی د داخویانیا خوە دە ئەشكەرە نەكر كو وێ ئەو ئالیكاریێن مرۆڤی یێن كو وێ دەرباسی خاكا سوریێ ببە لسەر كیژان دەڤەران وێ وەرنە بەلاڤكرن .

رێخستنا ئۆ سی ئیتش ئێ یا نەتەوێن یكگرتی ئەشكەرە كر كو ئەڤ پرۆسەیا مرۆڤی یاكو وێ د دەرگەهێ جابر نسیب یێ دناڤبەرا سینۆرێ سوریێ و ئۆردنێ دە كو د نیڤێ جۆتمەها بووری هاتە ڤەكرن دەرباسی وەلاتێ سوریی ببە وێ چار هەیڤان درێژ بكە .

ژ ئالیێ خوەڤە ئاندرس بیدرسن هەڤرێزكارێ هەردەم د نەتەوێن یكگرتی و هەڤرێزكارێ كاروبارێن مرۆڤی ل ئۆردنێ گۆت كو ئەڤ یەكەم چارە نەتەوێن یكگرتی وێ ئالیكاریێن مرۆڤی د ریێا خاكا ئۆرردنێ رە دەرباسی خاكا سوریی بكە و گۆت كو ئارمانج ژ ڤێ پرۆسەیا مرۆڤی ئەوە كو ئێش وئازارێن گەلێ سورێی سڤك بكە كو پێویستیا ب هەزاران وەلاتیێن سوریێ د سوریێ هەنە و د رەوشێن مرۆڤی خراب دە دژین و پێویستیا وان بڤان ئالیكاریان هەنە .

و ئاماژەكر كو ئۆفیسا نەتەوێن یكگرتی ل ئۆردنێ ب هەماهەنگی لگەل هەڤبارێن خوە د نەتەوێن یكگرتی دە ل سوریی كار دكن ژبۆ گەرەنتیا گهشتنا وان ئالیكاریان مرۆڤی ژبۆ سورێی .

بیدرسن سەربار كر و گۆت شەش ئاژانسێن بسەر نەتەوێن یكگرتی ڤە و رێخستنا ناڤدەولتی نە حكومی كو ناڤێ وێ ئەشكەرە نەكر بەشداری د پرۆسەیا هەوارچونێ كرنە .

د حزێرانا دەرباسبوویی دە داوین ئالیكاریین مرۆڤی ژ ئالیێ نەتەوێن یمكگرتی ڤە دەرباسی خاكا سوریی بوو كو لگۆری نەتەوێن یكگرتی كو 13 مەلیۆن كەس ل سوریێ پێویستیا وان ب ئالیاریێن مرۆڤی هەنە .

لافا عبدو

536