ئارك رۆنیێ دخه سهر دهربدهرێن عهفرینێ یێن ل دهردۆرا حهلهبێ
آرك نيوز .. ئێش وئازارا عهفرینیيان ل سهر دوو بهشان هاتیه بهلاڤكرن بهشهك ل ناڤ عهفرینێ یه كو وهلاتیێن وێ یێن كورد راستی دزی لێدان كوشتن تالانكرن گرتنا سهر مالان تێن ومال وملكێن وان هاتنه دهستهسهركرن و عهرب ل شوونا وان ده هاتنه بجيكرن وبهشێ دن ل ناڤ كامپێن دهربدهریێ ده یه كو ل سهر پێنج كامپان ل فافینێ وحرێتانێ ودهردۆرا حهلهبێ هاتنه بهلاڤكرن ههروهها بهشهك مهزن د خانیێ كرێ ل نبل وزهرایێ تل رفعت دێرجمێل ئهحرهز ودهردۆرا عزازێ و حهلهبێ د دژین وراستی پاوانكارییێ ژ ئالیێ خوهدێن مالان ڤه تێن كو ل گۆر ئامارێن فهرمی یێن نهتهوێن یهكگرتی 300 ههزار كوردێن عهفرینێ ل كامپێن دهردۆرا حهلهبێ و گوند وباژارۆكێن حهلهبێ ژ بهر شهر وپهڤچوونان دهربدهری وان دهران بوونه .
ل عهفرینێ ژبهر گوهدانا میدیایێن كوردی ب بنپێكرنێن كو راستی وهلاتیان ل عهفرینێ تێن ئێش وئازارا وان وهلاتییان گهشتیه جیهانێ وبهربهلاڤ بوویه ورۆژانه بنپێكرن تێ بهلگهكرن لێ ژ بهر نهبوونا ئالاڤێن راگهاندنێ ژ بلی یێن پهیهدێ ل كامپێن دهربدهرێن عهفرینێ تو كهس ههست ب ئێش وئازارا وان كوردێن كو مالێن خوه بجه هشتنه و ل وان دهران بوونه دهربدهر ناكه و تارییهك پلانكی ژ راگهاندنێ ههیه
ب ههزاران ههنه خوهنا وان ڤهگهرا عهفرینێ یه لێ ژبهر كو تهدبیرێن هاتنه ستاندن تو كهس نكاره ژ ناڤ كامپان دهركهڤه داكو بهرێ خوه بده عهفریێێ یان ههری كێم خوه بگهینه ئاستا مرۆڤهك ژ خوه رازی و ب تهنێ دناڤ خانییهكێ ده نشتهجیبهه ببه و ژ وان كۆنان وچاردران رزگار ببه نهخاسم تاخێن كوردان یێن شێخ مهقسوود وئهشرهڤیێ ب تهنێ چهند كێلۆ متران ژ وان دهران ڤه دوورن لێ ژبهر چاندنا ههر یهك ژ پهیهدێ و رێژیما ئهسهد ژ مایینان ل دهردۆرا كامپێ ره تو كهس نكاره ژ كامپێ دهركهڤه كو ههر دهم ودهمكێ ده دهربدهرێن عهفرینێ دبنه قوربانییا تهقیینا وان مایینان .
لێ ل ئالییهكی دن ده دهرفهت ژ بازرگانان ره ههیه و ب سهربست بێ كو مایین بتهقن كهسێن كو كاربن گۆژمهێن پهرهێن زێده دابین بكن دكارن بقاچاغی ژ كامپان دهركهڤن وبهرێ خوه بدن حهلهبێ .
ژ بلی وێ یهكێ رهوشا دهربدهران نه ل هاڤینێ و نه ژی ل زڤستانێ رهوشه ل هاڤینێ بوو بوون قوربانییا گهرمێ و ههبوونا دووپشك وماران ونهخوشیی بهربهلاڤ بووبوون .
ل گۆر ههیڤا سۆرا كوردی یا سهر ب پهیهدێ ڤه دانپێدان ب تۆماركرنا 1700 رهوش ژ نهخوهشییا لاشمانییا یان حهبهیا حهلهبێ تێ ناسكرن ل ناڤ كامپێن عهفریینان كربوو .
ل زڤستانێ ئێش وئازار زێدهتر و پرتر بوویه وبهریا چهند رۆژان دهما بارینا بارانهكه ب هێز لههی رابوو و ئهو كۆن بن ئاڤا بارانێ ده مان
ژبلی نهبوونا گوهدانا تهندروستی كو ئهو یهك ژ ئالیێ رێخستنا لێبۆرینا ناڤدهولتی هاتبوو بهلگهكرن رهوشا خوهندنێ ژی نه د ئاستا خوهستی ده یه كو ئهو نڤش وهك چاوا نها ل عهفرینێ ژ خوهندنێ بێ پارن مانه ل ناڤ كامپان ده ژی ژ خوهندنێ مهحروون بوونه .
ل گۆر وهلاتیێن عهفرینێ دبێژن كو ئهگهر ئهو دهربدهر ڤهگهریانه وارێ خوه ئیرۆ عهفرینێ نهدبوو ههرێمهكه عهربی وژبهر كو ههردهم ودهم وهك دهرزیێن بهنجێ بهرپرسێن پهیهدێ سۆزا رزگاركرنا عهفرینێ ددن و رۆژێ دهستنیشاندكن دهربدهرێن عهفرینێ ب وێ یهكێ دخوهپێنن و یا ههری داویێ دناڤ كامپان گهریان وگوتن رزگاركرنا عهفرینێ دێ د یهكێ مهها 9/ 2018 ده به پشتره راگهاندن ژ بهر سهدهمێن جودا پرۆسهیا رزگاركرنا عهفرینێ هاتیه پاشخستن .
ژبهر تاریبوونهكێ د راگهاندنێ ده رهوشا دهربدهرێن عهفریێن هاتیه پاشگوخستن كو ئێش وئازار وكول وخهم وبنپێكرنێن ل وان دهران رووددن نه كێمتر ژ بنپێكرنێن عهفرینێ .
مهزنترین پێنكرن بچككرنا 1200 جوانێن عهفرینێ ژبۆ ملیسێن شیعی هاتن بجككرن وههردهم چاڤێ عهفرینیان ل ڤهگهرا خهلكێ رهسهن داكو جارهكه دن عهفرینێ شێن ببن وشینا ل سهر رابه وبداوی وهره .
ش.ع
563
