محمد إسماعيل ..چيفري ته‌كه‌زي ل سه‌ر چاره‌سه‌ريا سياسي ل سوريێ كر
ئارك نيوز .. دوه شانده‌ك ئه‌نجومه‌نا خوه‌جهي يا ئه‌نجومه‌نا نشتيمانيا كوردي يا كوبانێ ل باژارێ ئورفا ب شانده‌ێ ئه‌مه‌ريكي يي تايبه‌ت ژبو سوريێ جێمس جێفري وشاندا لگه‌ل ره لباژارێ غازي عنتابێ جڤيا هه‌ردوو ئاليان ره‌وشا كوردستانا سوريێ و نه‌رينا ئه‌نجومه‌نا نشتيمانيا كورد ل سوريێ ب هور گولي گه‌نگه‌شه‌كرن .
د ڤێ ده‌ربارێ ده مه‌حمه‌د اسماعيل ئه‌ندامێ ده‌سته‌يا سه‌ركردايه‌يتا ئه‌نجومه‌نا نشتيمانيا كوردي ل سوريێ و به‌رپرسێ رێڤه‌بر يي پوليتبيروا پارتيا ده‌مقراتاكوردستان سوريا راگه‌هاند كو جێمس جێفري شانده‌ێ تايه‌بت يي سه‌روكێ ئه‌مه‌ريكا ژبو سوريێ د جڤينێ ده ته‌كه‌زي ل سه‌ر چاره سه‌ريا سياسي ل سوريێ كريه د هه‌ڤ ده‌مێ كو ته‌كه‌زي ل سه‌ر به‌رده‌وامبونا په‌يوه‌نديان دناڤ به‌را هه‌ردوو ئاليان ده‌كر .
محمد اسماعيل سه‌رباركر كو ئه‌وان ژ شاندا ئه‌مه‌ريكي ره نه‌رينا ئه‌نجومه‌نا نشتيمانيا كورد ل سوريێ د ده‌ربارێ چاره سه‌ريا سوريێ ب گشتي و ده‌ڤه‌رێن كوردي بتايبه‌تي پێشكێش كر د هه‌ڤ ده‌مێ كو جێفري ژي نه‌رينا وه‌لاتێ خوه ژ شاندا ئه‌نه‌كه‌سي ره دده‌ربارێ ره‌وشا سوريێ پێشكێش كر سه‌رباري گرنگيا رولا ئه‌نجومه‌نا نشتيمانيا كوردي ل سوريێ د چارچوڤه‌يا چاره‌سه‌ريا سياسي و ريڤه‌به‌ري ده ل سوريێ بگشتي و كوردستانا سوريێ بتايبه‌تي.
دوه روژا شه‌مي 8/12/2018 شانده‌ك ژئه‌نجومه‌نا خوه‌جهي يا ئه‌نجومه‌نا نشتيمانيا كوردي ل كوبانێ ل سه‌ر ڤه‌خوه‌ندنه‌كه فه‌رمي ژ ئاليي شانده‌ێ ئومه‌ريكي ژ بو سوريێ جێمس جێفري ل باژارێ غازي عه‌نتابي ل توركي ل گه‌ل جێمس جێفري و شاندا لگه‌ل جڤيان .
شاندا ئه‌نه‌كه‌سێ ژ هه‌ر يه‌ك ژ مه‌حمه‌د اسماعيل ئه‌ندامێ ده‌سته‌يا سه‌ركردايه‌تيا ئه‌نجومه‌نا نشتيمانيا كوردي ل سوريێ و به‌رپرس رێڤه‌بر يي پوليتبيروا پارتيا ديمقراتا كوردستان سوريا لگه‌ل عه‌لي ئبراهيم سه‌روكێ ئه‌نجومه‌نا خوه‌جهي يا ئه‌نجومه‌نا نشتيمانيا كوردي يا كوبانێ ل باژارێ ئورفا توركي ِ وئه‌ندامێ كوميتا ناڤه‌ندي يا پارتيا ديمقراتا كوردستان سوريا ل گه‌ل عه‌لي ته‌مێ به‌رده‌ڤكێ فه‌رمي يي شه‌پێلا پێشه‌روژا كورد ل كوبانێ و حه‌نان عه‌باس ئه‌ندامێ كوميتا ناڤه‌ندي يا پارتيا يه‌كيتيا كوردي ل سوريێ لگه‌ل كه‌سايه‌تيا سه‌ربخوه د ئه‌نجومه‌نا نشتيمانيا كوردي ل سوريێ ده دكتور كانيوار ره‌سول پێك دهات .
z.h
1243
