چالاكڤانێن مافێن مرۆڤ چەند كۆنگر ل سەرانسەری جیهانێ ل دار خستن ژ بۆ سەربەست بەردانا گرتیێان ژ گرتیگەهێن رێژیما ئەسەد

ل چەند پایتەخت و باژارێن جیهانێ، سمینار و كۆنفرانس ژ ئالیێ چالاكڤانێن مافێن مرۆڤان ڤە تێ ل دارخستن بۆ دیاریكرنا رەوشا گرتیێن د زندانێن رێژیما ئەسەد دە، وهەروسا ل سەر تاوانێن بەردەوام ل دژی وان و د گەل داخوازا سەربەست بەردانا وان و سزاكرنا بەرپرسیارێن كریارێن ئەشكەنجەیا سیستەماتیك یێن بوونە سەدەما مرنا ب دەهێ هەزاران.

كۆنفرانسەك مافناسیێ، دوه (8.12.2018)، ل مەدریدێ پایتەختا ئسپانیا ب سەر ناڤێ (كاروانێن دیلێن سپی ژ بۆ رزگاركرنا گرتیێن سووریێ)، ل دار كەت و یەك ژ بەشدارێن كۆنفرانسێ ژ بۆ راگهاندنێ دیار كر كو ئارمانج ژ ڤی كۆنفرانسی ئەوە، كۆمكرنا رایا گشتی ل جیهانێ ل دژی كریارێن بەردەوام یێن رێژیما ئەسەد یێن بكارئانینا هەمۆ جۆرێن ستەمكاریێ و ئەشكەنجێ و ئازارێن هۆڤانە و كوشتنا كەیفی یە.

جڤاتا ئەولەهیێ ونەتەوێن یەكبوویی ژی ژ ئالیێ خوە ڤە، داخوازا دەستێوەردانەكە بلەز و راستەقینە كر ژ بۆ نەچاركرن رێژیما ئەسەد ل شامێ ل سەر ئەشكەرەكرنا چارەنڤیسا كەسێن بنچاڤكری وبێ سەرۆشوێن و وسەربەست بەردانا وان بشێوەیەك بلەز.

ژ ئالیێ هن چالاكڤانێن مافێن مرۆڤان ل باژارێ ئستنبۆلێ ژی دێ ئیرۆ(9.12.2018)، سمینارەك ل سەر چارەنڤیسا گرتیان ل سووریێ، ب سەر ناڤێ (ئازادیا من بەری گۆتوبێژێن وان)، وەرە ل دار خستن و د سمینارێ دە دێ گوهدان بدن شاهدحالیا 3 گرتێن بەرێ، یەك ژ وان (24) سالن د گرتیگەها (تدمر) دە بوو و یێ دن د سالا( 2011 ) هاتە گرتن و پشتی( 4 ) هەیڤان ب پەیمانەكە گوهەرتنا گرتیان هات سەربەست بەردان، و یێ سیێەم ژی (5) جاران ژ ئالیێ دەزگەهێن ئەولەهیێ ڤە هاتبوو گرتن و سەربەست هات بەردان.

هەروها كۆمسیۆنا نەتەویێن یەكبوویی یا لێ پرسینا سەربخوە، داخواز ژ رێژیما ئەسەد كربوو ژ بۆ پێشكێشكرنا بلگەیان ل سەر سەدەمیێن مرنا ب هەزاران گرتیێن د گرتیگەهان دە، و داخوازا ئەشكەركرنا گۆرین قۆربانیان و پێكئانینا لێپرسینەكە بلەز ل سەر وان تاوانان كربوو.

هەڤدەمی كو رێخستنا هیۆمن رایتس ووتش"Human Rights Watch" بانگ ل رێژیمێ كربوو ژبۆ بەرسڤان بدە ل سەر پرسێن تایبەت ب چاوانیا مرنا كەسێن بنچاڤكری د گرتیگەهێن وێ دە، و گۆمان خستبوو ل سەر نەراستیا رۆمانا وی یا ل سەر مرنا قۆربانیا ب كریزا دل.

ر.ع

562