ئەنەكەسێ ب شانەدیێ سەرۆكێ ئەمەریكا یێ تایبەت ژ بۆ سووریێ جیمس جیفری رە جڤیا

ئیرۆ شاندەك ژ خوەجهیا ئەنجومانا نشتیمانیا كوردی ل سووریێ (ئەنەكەسێ) یا باژارێ كۆبانێ ب شاندەیێ سەرۆكێ ئەمەریكا یێ تایبەت ژ بۆ سووریێ جمیس جیفری و شاندا وی رە ل باژارێ عنتابا توركیی جڤیا.

ل گۆر ئاگاهیێن ئاركێ دێ جڤات ل سەر ناڤچەیەكە دژە فرین و خالێن چاڤدێرێ وناكۆكیا دناڤبەرا ئەنەكەسی و پەیەدێ دە بە.

ژیدەرەكە تایبە ژ خوەجهیا ئەنەكەسی یا كۆبانێ ب ئاركێ راگهاند كو ڤەخوەند تایبەتە ب ئەنەكەسێ و جڤین ب دەم ژمێر چار ب دەما توركیێ ل باژارێ غازی عنتابێ بڕێڤە چوو .

شاندا ئەنەكەسێ پێك هاتبوو ژ هەر یەك ( محمد اسماعیل بەرپرسێ رێڤەبر یێ پۆلیتبیرۆیا پارتی دەمۆقراتی كوردستانی – سوریا و ئەندامێ سەرۆكاتیا ئەنەكەسێ و علی ابراهیم ئەندامی كۆمیتا ناڤەندی یا پارتی دەمۆقراتی كوردستان و بەرپرسێ خوەجهیا ئەنەكەسێ ل كۆبانی وعلی تمی بەردەڤكێ شەپێلا پێشەرۆژا كورد ل كۆبانێ و حنان عباس ئەندامێ كۆمیتا ناڤەندی یا پارتیا یەكیتیا كوردی ل سووریێ، وكەسایەتیا سەربخوە د ئەنجومانا نشتیمانیا كورد ل سووریی الدكتور كانیوار رسول.

تیێ زانین كو پشتی جڤینا وەلاتێن گرۆپا پچوك ل واشنتونێ بداوی هات شاندەیێ ئەمەریكی یێ تایبەت ژبۆ سوریێ دەست ب گەرەكی هەرێمێ كر، كو سەردانا توركیێ ژ بەری چەند روژان كر و ل گەل گرۆپا كار یا توركێ و ئەمەریكا ل ئەنقەرایێ جڤیا بوو، د جڤینێ دە نەخشەرێا باژارێ منبج گەنگەشەكرن و ل سەر ئاڤاكرنا خالێن جاڤ دێرێ ل سەر سینورێ كوردستانا سوریێ ب توركێ رە گەنگەشەكرن .و هەڤ دەمێ كو جێفری ئاماژە كربوو كو جڤینێن ئاسیتانا و سوتشی تو ئەنجامێن سەركەفتی و بەرجاڤ ب دەست خوەڤە نائانین ژبەر وێ كێ سەروكێ وەلاتێ وی ئانگو دونالد ترامپ پلانێن ئەلترناتیڤ ئانگو بەدیل هەنە ..

ر.ع

681