خوەجهیا ئەنەكەسێ ل بەرلینێ كۆنفرانسێ خوە ل دار دخست

ئەنجومانا خوەجهی یا نوونەراتیا ئەنجومانا نشتیمانیا كوردی ل سووریێ ل باژارێ بەرلینێ ب ئامادەبوونا كەسایەتێن سەربخوە یێن كوردێ سووریێ ل وی باژاری" كۆنفرانسا خوە سالانە ل دارخست.

د كۆنفرانسا ئەنەكەسێ دە، رەوشا سیاسی یا رۆژئاڤایی كوردستانێ هات شرۆڤەكرن ودیاركرن كو پێش چاڤێ هەمۆ خەلكێ رۆژئاڤا كوردستانێ ئەشكەرە یە كو پرسا كوردی د قۆناغەك هەستیار و دیرۆكی وگەلەكی ئالۆزە رە دەرباس دبە ، ئەڤ رۆەوشا كو سەر رۆژهلاتا ناڤین دە بگشتی و سووریێ ب تایبەتی دە هاتیە، ململانیەكە ناڤدەولەتی د ڤێ دەربارێ دە هەیە و ئیدی دانووستاندنێن ناڤدەولەتی ل سەر چارەنڤیسا سووریێ چێ دبە و هەر وەكە ئەم دزانن پرسا كوردی بەشەكی گرنگە ژ پرسا سووریێ.

خوەجهیا ئەنەكەسێ سەرباركر وگۆت، ژ بەر كو بەشەك مەزن ژ رەڤەندا كوردی ل بەرلینێ دمینە ژ بەر سەدەمێن جودا جودا و یێ هەری گرنگ ژی سەدەمێن سیاسی نە، لەوما مە وەكە ئەنجومانا خوەجهی ل باژارێ بەرلینێ دیت ، كو بانگ ل رەڤەندا كوردی بكن وبتایبەتی كەسێن سەربخوە دا كو ل كۆنفرانسێ ئەنجومانێ ل بەرلینێ بەژدار ببن ونوونەرێن خوە هلبژێرن وئیدی پشتەڤانی و شێورێ بدە ئەنجومەنێ وئالیكاریا ئەنجومانێ رەڤەندا كوردی ل ئەرۆپا رێخستن بكە ودەنگێ خوە بگهینە ناڤەندێن فەرمی و ناڤدەولەتی وپشتەڤانیا پرسا كوردی ل ولات بكە.

كۆنفرانسێ ئەنجومانا خوەجهی یا نوونەراتیا ئەنجومانا نشتیمانیا كوردی (ئەنەكەسێ) ل ئەرۆپایێ رۆژا 2.12.2018 ، دەم ژمێر 13:00.پشتی نیڤرۆ ب دەما بەرلینێ هات ل دارخستن.

و بەرپرسێ خوەجهیان سعید عبدالمجید راپۆرتیێن كارۆچالاكیان و راپۆرات درای ل پێش چاڤێن هەمۆ ئامەدەبووان خوەندن و پشترە باسا چاوەنیا ئاكتیڤكرنا كاروخەباتا ئەنەكسی ل سەرانسەری ئەۆرپا هات كرن .

د وایێ دە ژی هنەك كەسایەتیێن سەربخوە یێن كورد هاتن هلبژارتن داكو نوونەراتیا كەسێن سەربخوە ل نوونەراتیا ئەنەكەسی دە ل خوەجهیا بەرلینی دە بكن.

ر.ع

421