2 رۆژنامەڤان د هەیاما مەها بۆری دە ل سووریێ هاتنە كوشتن و3 ژی هاتنە رەڤاندن

ل گۆر راپۆرتا تۆرا سووریێ یا مافێن مرۆڤان د هەیاما مەها بۆری دە، ل سووریێ 2 رۆژنامەڤان هاتنە كوشتن و3 ژی هاتنە رەڤاندن ژ ئالیێن شەركەر ڤە ل دەڤەرێن جودا جودا ل سووریێ.

ئالیێن چەكدار وشەركەر ل ململانیا سووریێ دە، گەلەك رۆژنامەڤان وچالاكڤانێن ل بۆارێ رۆژنامەڤانیێ دە بنپێكرنە و تەرۆركرنە وتاوانیێن جەنگی دەربارێ وان كرنە.

رێژیما سووریێ ژ دەستپێكا ئازارا سالا 2011 ە ڤە و هەتا وەكە ئیرۆ رژدە ل دەستهلاتا خوە دە و تاوانیێن جەنگی ب رێژەیا 83% دەرهەقێ رۆژنامەڤانا دە كرنە وشەرێ راگهاندن وراگهاندكارا كرییە و ب سەدان بنپێكرێن جۆرب جۆر هانیە سەرێ رۆژنامەڤانا ژ كوشتن و ئەشكەنگێ وگرتنێ ورەڤاندنێ، دا كو بكارە تشتا كو دهێنە سەری مللەتێ سووریی ڤەشێرە وتاوانێن خوە دەرهەقێ ولاتیین سووریی دە وندا بكە.

هەر وسا ژ ئالیێ خوە ڤە ژی گرۆپێن چەكدار ژی و ریخستنا "داعش" یا تەرۆرستی ژی و چەكدارێن پەیەدێ ژی سیاسەتا گرتنا دەڤ وگوهان ل هەرێمێن دبن كۆنترۆلا وان دە ل دژی رۆژنامەڤانا پێك ئانی یە ئەو ژی ب ریێا ئۆپەراسیۆنێن گرتن و رەڤاندنێ یێن بەرفرە.

ژ بەر ڤێ رەوشێ ژی سووریێ د پلەیا 177 ژ ئەصلێ 180 ولاتێ دونیایێ تێ و رێزبەندا 3 یا ژ بەرێ داویی دە یا دژاتیا ئازادیا رادەربین ورۆژنامەڤانێ دە تێ ، ل گۆری پۆلینبەدیا جیهانی یا ئازادیا رۆژنەمەڤانیێ د سالا 2018 ە ، ل گۆر راپۆرتا رێخستنا رۆژنامەڤانێن بێ سنۆر بلاڤ كرییە.

ل گۆر یاسا ناڤدەولەتی یا مرۆڤی كەسێ رۆژنەمەڤان ب مرۆڤەكی سڤیل تێ هژمارتن بێ كو رەگەزنامەیا وی ل بەر چاڤ بگرە وهەر ئێریشە مەبەستدار ل دژی وی ب تاوانەكی جەنكی تێ هژمارتن.

یاسایا ناڤدەولەتی یا پاراستنا رۆژنامەڤانا ، بەندا (79)، دبێژە دڤێ رۆژنامەڤان ل ناڤچەیێن ململانی و شەر دە وەرە پاراستن ورێز ل وان وەرە گرتن .

و ژ ئالیێ خوە ڤە، ئەنجومانا ئەولەهی بریارەك ب ژمارا (2222) ل 27.مەها ئەیارا سالا2015 دەرخست و ئێریش و كریارێن تووند دەرهەقێ رۆژنەمەڤانا دە شەرمەزار كر .

ر.ع

512