سەرۆك بارزانی پێشوازی لە عەبدوڵڕەحمان ئاپۆ كر
ڕۆژا چارشەممێ 5ـێ 12ـێ 2018 ئیرۆ چارشەمێ ل سەلاح الدین سەرۆك مسعود بارزانی پێشوازی ل كەسایەتیا سیاسیا كورد وئەندامێ كۆمیتەیا ناڤەندی یا پارتیا دیموكراتا كوردستان سوریا عبد الرحمن ئاپۆ كر .
د هەڤدیتنێ دە سەرۆك بارزانی خوەشحالیا خوە ب ئازادبوونا عبد الرحمن ئاپۆ ژ زیندانێ نیشان دا وراگەهاند كو جهێ مخابنیێ یە كو گەلەك ژ تێكۆشەرێن وەك عبد الرحمن ئاپۆ ب دەستێ ئالیەكی كوردی دكەڤنە زیندانان دە , وسەرۆك بارزانی هێڤی خوەست داوی ب ئێش وئازارێن گەلێ كورد ل سووریا وەرە .
د بەشەكی دنێ هەڤدیتنێ دە نەرین دەربارێ رەوشا سیاسی یا سووریێ ورەوشا كوردی گۆتوبێژ كرن, وسەرۆك بارزانی وێرایێ دەربرینا دل گرانیا خوە دەربارێ پێشەرۆا كوردان ل سووریێ , تەكەزی ل سەر وێ چەندێ كر كو خوەستەكا وان ژ بۆ چارەسەركرن كێشەیێن كوردان ل سووریێ نە ب ڤی رەنگی بوو , لێ ژ بەر رەفتار وبریارێن تاك ئالی وبنپێكرنا رێكەفتنان ناڤبەرا ئالیێن رۆژئاڤایێ كوردستانێ , نها رەوش ئالۆزتر بوویە , وگەلەك كێشە هاتنە پێشیا گەلێ كورد ل رۆژئاڤایێ كوردستانێ , وئەڤ ژی جهێ مخابنیێ یە.
ر.ع
806
