رێژیما ئەسەد بریارەیاسایەك دەربارێ وندابوویان دە دەركر
د بەردەوامیا پەردەپۆشكرنا تاوانێن خوە دەرحەقێ سڤیلان دە , دادوەریا رێژیما ئەسەد بریارەیاسایەك دەربارێ چارەنڤیسا كەسێن وندابووی دەركر , وئەگەر بریار وەرە جێبجێكرن رژێما ئەسەد وێ ژ ئەنجامدانا تاوانێن جەنگی رزگار ببە .
دادوەریا رێژیما ئەسەد بریارەیاسایەك دەركر , ول گۆری بریارەیاسایێ ئەو كەسێ بۆ دەما چار سالان تو زانیاری ل سەر نەبن , ونەخویا بە , ئەو كەس وێ ب مری وەرە تۆماركرن .
شرۆڤەكارن سیاسی دبێژن ئەڤ بریارەیاسایا رژێما ئەسەد د بەرژەوەندیا رژێما ئەسەد دەیە , وخزمەتا پەردەپۆشكرنا تاوانێن رێژیما ئەسەد دكە , ژ بەر ب ڤی رەنگی رژێما ئەسەد نەچار نابە داكو لیستەیان ب ناڤێ كوشتیان د زیندانێن خوەدە بەلاڤ بكە , ودەست ب جه وێ بریارێ ل سەر وان كەسێن كوشتی یێن رێژیما ئەسەد وان ب وندابووی ب ناڤ دكە جێبجێ بكە .
قوتەیبە قتێت رێڤەبەرێ رێخستنا دادا سووریێ ل لاهای راگەهاند كو بریارەك د دەستوورا سووریێ دە هەیە ب ڤی رەنگی , لێ ئەو بریار تایبەت دابەشكرنا میراتێ , ورێژیما ئەسەد بەروڤاژیێ بریارێ كار دكە , وفەرمان ب رێڤەبەرێن سجلێن مەدەنی دكە داكو ناڤێن وان كەسێن ل سەر دەستێ وێ هاتنە كوشتن وەكە وندابووی تۆمار بكە .
هەروەها قوتەیبە قتێت دازانین كو فەرزە ل سەر رێژیما ئەسەد ناڤێن وان كەسێن د زیندانێن وێدە هاتنە كوشتن , ب بەلگە وژ نەخوەشخانەیا لەشكەری ناڤێن وان بەلاڤ بكە , لێ رێژیما ئەسەد ب ڤێ چەندێ خوە ژ كوشتنا وان كەسان بێری دكە , وخوە بێ تاوان دەردخە .
هەروەها قوتیبە سەرباركر وگۆت كو ل گۆری بریارەیاسایا دادوەریا رێژیما ئەسەد , ناڤێن وان كەسێن كو هاتنە كوشتن بێ كو جه , سەدەم , ودەما كوشتن وەرە دەستنیشانكرن تێنە تۆماركرن .
رێڤەبەرێ رێخستنا دادا سووریێ گۆت كو هەتا وەكە نها ( 200 ) هەزار سڤیل ب نەچاری هاتنە بنچاڤكرن , و( 80 ) هەزار سڤیل د زیندانێنرێژیما ئەسەد دە دسالێن ( 2013 – 2018 ) دەدە هاتنە كوشتن .
ل گۆری شرۆڤەكارێن سیاسی دانە خویاكرن كو ب ڤێ چەندێ تو كارتێن فشارێ ل سەر رێژیما ئەسەد دروست نابن , ئەگەر دۆسەیا گرتیان ل سەر ئاستێ ناڤدەولەتی دووڤچوون ژێرە وەرە كرن .
ز.ح
364