"سمۆل گرۆپ" ژبۆ گۆتبێژێن دەربارێ كۆمیتا دەستۆری دە ئیرۆ ل واشنتن دجڤە

ئیرۆ ل واشنتن جڤینا بەرپرسێن دەولەتێن بناڤێ "سمۆل گرۆپ" برێڤە دچە و دی هەول بدن یەك هەلوێستی دەربارێ كۆمیتا دەستۆری دە نیشان بدن و دێ چارەنڤیسا وێ دیار بكن هەڤدەمی ڤەگوهەستنا دۆسەیا سووریێ ژ دەستێ شاندەیێ ناڤدەولەتی سیتڤان دیمستۆرا بۆ بالێۆزێ نەروجی جیر پیدرسون.

بریارە ئیرۆ شاندەیێ ئەمەریكی بۆ سووریێ جیمس جیفری سەرۆكاتیا جڤینا هەڤشانێن خوە د "سمۆل گرۆپ"دە بكە" "سمۆل گرۆپ" هەر یەك ژ ولاتێن (بریتانیا وئەلمانیا وعەربستانا سعوودیێ ومصر و ئۆردن) ل خوە دگرە، وئەڤە جڤینا (2) ە د هەیاما (2) حەفتیان دە دكە، پشتی رادەستكرنا دۆسەیا دەرڤە ژ ئالیێ ریڤەبەریا سەرۆكێ ئەمەریكا بۆ وەزیڕێ دەرڤە مایك بۆمبیۆ ودۆسەیا سووریێ بۆ جیفری .

ژ ئالیێ خوە ڤە، ئەندامی پۆلیتبیرۆیا پارتی دەمۆقراتی كوردستان – سوریا وجێگرێ سەرۆكێ هەڤپەیمانیا نشتیمانی یا سووریێ یا هێزێن شۆرەشێ و ئۆپۆزسیۆنێ عبدالباسط حمو دەربارێ جڤاتا ئیرۆ یا "سمۆل گرۆپ " ل واشنتن د دەما بەشداربوونا وی د هەڤپەیڤینا ئاركێ دە گۆت:" دێ دۆسەیا سەرەكی یا جڤینا "سمۆل گرۆپ" چارەنڤیسا كۆمیتەیا دەستۆریێ بە و ل گۆری بریارا ئەنجومانا ئەولەهیێ (2254) بە".

دیمستۆرا پشتی كو ئەرێ كرن ژ هەرسێ دەولەتی گەرەنتۆر ژ جڤینێن ئاسیتانا رە ل سەر لیستا حكومەتا سووریێ كو (50) بەربژێر ل خوە دگرە، ولیستا ئۆپۆزسیۆنا سووریێ ئەو ژی (50) نامزەتی ل خوە دگرە، لێ شامێ(دیمشقێ ) لیستا سیێەم یا كو (50) بەربژێری ل خوە دگرە و نوونەرێن جڤاكا سڤیلن رەت كر.

ل گۆر ئازانسێن راگهاندنێ، واشنتن ژ ئالیێ خوە فشارێ ل سەر دیمستۆرا دكە دا كو داخوازا جڤینێن كۆمیتا دەستۆرێ ل گۆر خشتەیەك دەمكی دیار بكە و ل گۆر ئەو لیستەێن كۆ هاتنە ئامادە كرن بێ كو هێڤیا رازكرن وئەرێ كرنا شامێ راوەستە، لی مۆسكۆ ژ ئالیێ خوە ڤە دەم ژ بۆ جڤینین كۆمیتا دەستۆرێ رەت دكە و ناخوازە دەم ژێ رە وەرە دیار كرن.

د داویا هەڤیا ئۆكتۆبەرێ دە، جڤینا چار قۆلی دناڤبەرا رۆسیا ، فرنسا، تركیا وئەلمانیا دە بریار هات ستناد نكو كۆمیتا ئاڤاكرنا دستۆرا سووریی بەریا داویا ڤێ سالێ وەرە ئاڤاكرن.

ر.ع

586