3 كوردێن سووریێ تەڤلی ئەنجومانا رێڤەبەریا ناڤەندی یا كۆمەلەیێن كوردستانی ل ئەلمانیا بوو
3 كوردێن سووریێ وەكە نوونەرین رێخستنان ل كۆنفرانسا كۆمەلەیێن كوردێن ئەلمانیا دە بوون ئەندامێن تەڤلی ئەنجومانا رێڤەبەریا ناڤەندی یا كۆمەلەیێن كوردستانی ل ئەلمانیا .
كۆنفرانسێ رەڤەندا كوردی ل باژارێ فرانكفۆرتا ئەلمانیا دبن دروشما "مافێن كورد ژ بۆ ئاڤاكرنا دەولەتەك سەربخۆە" ل باژارێ فرانكفۆرتا ئەلمانیا و ل سەر داخوازا ئەنجومانا ناڤەندی یا كۆمەلەیێن كوردێن ئەلمانیا برێڤە چوو.
كۆنفرانس ب ئامادەبوونا نوونەرین كۆمەلەیێن كوردی ورێخستنێن جڤاكا سڤیل یا كوردستانی ویەكیتیا ژنێن كوردستانێ و یەكیتیا خوەندەڤان و جوانێن دەمۆقراتی كوردستانی – رۆژئاڤا ل باژارێ فرانكفۆرت " دۆه رۆژا شەممیێ(1.12.2018) ب ئاوایەكی بەرفره هات ل دارخستن و ژبۆنا هلبژارتنا ئەنجومانەك نوو وبەرنامەیا وێ ئەنجومانێ گۆتوبێژ بكن" وپلانێن كار وپرۆگراما ئەنجومانێ دارێژن و كارێ رەڤەندا كوردی و كۆمەلەێن وێ رێخستن بكە.
كۆنفرانس ب سرودا نشتیمانیا كوردی " ئەی رەقیب " دەست پێكروپشترە بیست خۆلەكی بێ دەنگ ل سەر جانێ شەهیدێن كورد وكوردستانێ راوەستیان.
د كۆنفرانسێ دە، سەرباری ئەنجومانا بەرێ 3 ئەندامێن دن لێ زیاد بوون و ئەوژی هەر یەك ژ كۆڤان خلف نوونەرێ یەكیتیا خوەندەڤان و جوانیێن دەمۆقراتی كوردستانی – رۆژئاڤا و احمد شیخۆ نوونەرێ كۆمەلەیا خوەیبۆن و نجاح هیڤو نوونەرا یەكیتیا ژنێن كوردستانا سووریێ.
د بەشەكی دن یێ" كۆنفرانسێ دە" فیلمەك سینمایی دەربارێ پالەوانیا پێشمەرەگە ل شەری دژی "داعشێ" دە هات نمایشكرن وهەروسا گۆتنا سەرۆكێ كۆمەلەیا دۆستایەتیا كۆرد وئەلمانا ل هەولێری دكتۆر هێمن عمر ژی هات خوەندن و د داویا كۆنفرانسێ دە بریار هات ستاندن كو ب ئاوایەكی فەرمی داخوازا مۆلەتێ ژ حكومەتا ئەلمانیا بكن، وهنەك پرسێن رێخستنی هات گۆتوبێژكرن و چەند كۆمیت هات ئاڤاكرن مینا كۆمیتا ژنێ و كۆمیتا شێوەرمەندان كو پێك تێ یاساناسان و ئەكادیمی ناسان ب سەرۆكاتیا نڤیسكار ورۆژنامەڤان عبدالله جندی وهەروسا كۆمیتا راگهاندنێ و یا جوان و وخوەندەڤان و رۆشنبیری وهۆنەرژی ئاڤا بوون.
ر.ع
551
