پۆتین گەشبینیا خوە دەرباری رێكەفتنا دەڤەرا بێ چەك نیشان دا
ارك نیوز .. كرێملێنا روسی راگهاند كو سەرۆكێ روسیێ فلادیمێر پۆتین ژ هەڤشانێ خوە یێ توركی رە رەجەب تەیب ئەردۆغان تەكەزی لسەر ستاندنا تەدابیرێن تووند دەرباری رێكەفتنا ئدلبێ كر ز
بەردەڤكێ سەرۆكاتیا روسیێ دیمیتری بیسكۆف راگهاند كو د چارچۆڤەیا لۆتكەیا جی بیست ل ئەرجەنتینێ فلادیمیر بۆتین سەرۆكێ روسیێ و رەجب تەیب ئەردۆغان سەرۆكێ توركێ هەڤدیتنەك لدارخستن د وێ هەڤدیتنێ دە هەردوو ئالیان دۆسەیا سوریێ بگشتی و ئاڤاكرنا كومیتەیا دستوری و رەوشا ئدلبیێ بتایبەتی گۆتووبێژ كرن .
بیسكۆف دا زانین كود وێ جڤینێ دە پۆتین ژ اردۆغان رە تەكەز كریە لسەر ستاندنا تەدابیرێن تووند دەرباری جیبجیكرنا رێكەفتنا ئدلبێ داكو رێگریكرن ل ئەنجامدانا ئێریشێن ئەسمانی یێن زێدەكری ب گازا كلۆرا ژەحراوی مینا حەلەبی وەرە كرن و ئێریشێن بڤێ رەنگی دووبارە نەبن .
كرێملێنا روسی هەروەها گۆت كو پشتی بداویبوونا لۆتكەیا ئەرجەنتین سەرۆكێ روسیێ فلادیمێر پۆتین د كونگرەكی رۆژنەمەڤانی دە فكارا خوە ژ رەوشا ئدلبێ رە نیشان دا وەكو چاوا وەلاتێن رۆژئاڤایی بفكارن دەرباری رەوشا ئدلبێ و گەشبینیا خوە دەرباری سەركەفتنا هەولێن روسی توركی ژبۆ ئاڤاكرنا دەڤەرەك بێ چەك ل باژارێ ئدلبێ نیشان دا و هێڤی كر كو سێخوری و وەزاەتێن بەرەڤانیێ یێن توكی و روسی د زوترین دەم دە ڤی ئەركی جیبجی بكن و سەركەفتنان بینن .
د حڤدەهێ ئیلوونا دەرباسبوویی دە رێكەفتنەك دەرباری ئاڤاكرنا دەڤەرەك بێ چەك دناڤبەرا توركیێ و روسیێ دە هاتە پێكئانین و هەموو گروپێن چەكدار لگەل چەكێن خوەی گران لگۆری وێ رێكەفتنێ ژ ئدلبی هاتن دەرخستن .
هەر دەرباری هەڤكاریا دناڤبەرا روسیا و توركیێ دە دەرباری كریزا سوریێ پۆتین تەكەز كر كو هەردوو ئالی بەردەوامن د هەولێن خوە دە ژبۆ دیتنا چارەسەریەكی ژ كرێزا سوریێ رە وگۆت ژی كو پشتی ئەنجامدانا لۆتكەیا توركی روسی ل ئستەبۆلێ دۆسەیا ئاڤاكرنا كومیتەیا دستورێ سورێی د ئاستەكی باش دەیە .
لافا عبدو
438
