كۆنفرانسێ رەڤەندا كوردی ل باژارێ فرانكفۆرتا ئەلمانیا برێڤە چوو

دبن دروشما "مافێن كورد ژ بۆ ئاڤاكرنا دەولەتەك سەربخۆە" كۆنفرانسا رەڤەندا كوردی ل باژارێ فرانكفۆرتا ئەلمانیا و ل سەر داخوازا ئەنجومانا ناڤەندی یا كۆمەلەیێن كوردێن ئەلمانیا برێڤە چوو.

ئەڤ كۆنفرانس ل ئەنجاما زنجیرەك جڤین ب ئارمانجا یەكگرتنا كۆمەلەیێن كوردی ل سەر هنەك بنگەهێن سەرەكی د پێشەكیا وان دە ژی كار كرن ژبۆ ب دەستڤەئانینا مافێن گەلێ كورد.

كۆنفرانس ب ئامادەبوونا نوونەرین كۆمەلەیێن كوردی ورێخستنێن جڤاكا سڤیل یا كوردستانی ل باژارێ فرانكفۆرت " دۆه رۆژا شەممیێ(1.12.2018) ب ئاوایەكی بەرفره برێڤە چوو و ژبۆنا هلبژارتنا ئەنجومانەك نوو وبەرنامەیا وێ ئەنجومانێ گۆتوبێژ بكن" وپلانێن كار وپرۆگراما ئەنجومانێ دارێژن و كارێ رەڤەندا كوردی و كۆمەلەێن وێ رێخستن بكە.

كۆنفرانس ب سرودا نشتیمانیا كوردی " ئەی رەقیب " دەست پێكروپشترە بيست خۆلەكی بێ دەنگ ل سەر جانێ شەهیدێن كورد وكوردستانێ راوەستیان.

پاشان نادر دۆغاتی جێگرێ سەرۆكێ ئەنجومانێ ب خیرهاتنا ئامەدەبووان كر وچەند گۆتنیێن دن ژ ئالیێ ئەندامێن ئەنجومانێ ڤە هاتن خوەندن و هەروسا گۆتنا پارتیا سۆسیالا دەمۆكرات SPD ئەلمانی ل وێ كانتۆنێ هات خوەندن و بەژداربوویان كۆنفرانس دەلومەند كر ب پرس وپرسیارێن خوە .

د بەشەكی دن یێ" كۆنفرانسێ دە" فیلمەك سینمایی دەربارێ پالەوانیا پێشمەرەگە ل شەری دژی "داعشێ" دە هات نمایشكرن وهەروسا گۆتنا سەرۆكێ كۆمەلەیا دۆستایەتیا كۆرد وئەلمانا ل هەولێری دكتۆر هێمن عمر ژی هات خوەندن و د داویا كۆنفرانسێ دە بریار هات ستاندن كو ب ئاوایەكی فەرمی داخوازا مۆلەتێ ژ حكومەتا ئەلمانیا بكن، وهنەك پرسێن رێخستنی هات گۆتوبێژكرن و چەند كۆمیت هات ئاڤاكرن مینا كۆمیتا ژنێ و كۆمیتا شێوەرمەندان كو پێك تێ یاساناسان و ئەكادیمی ناسان ب سەرۆكاتیا نڤیسكار ورۆژنامەڤان عبدالله جندی وهەروسا كۆمیتا راگهاندنێ و یا جوان و وخوەندەڤان و رۆشنبیری وهۆنەرژی ئاڤا بوون و سەرباری ئەنجومانا بەرێ یا كۆمەلێ 3 ئەندامێ نوو لێ زیاد بوون .

ر.ع

677