چار سال سه‌ر شه‌هیدبوونا عبدالكریم محمود باڤێ یلماز ره ده‌رباس دبن
آرك نيوز .. ئيرۆ 2 به‌رچله‌یا 2018 چار سال سه‌ر شه‌هیدبوونا عبدالكریم محمود باڤێ یلماز ئه‌ندامێ كۆمیتا هه‌رێمی یا پارتیا ده‌مۆقراتا كوردستان سووریا په‌ده‌كه‌سێ وئه‌ندامێ تاخا زۆرئاڤا یا ئه‌نجومه‌نا نشتیمانی یا كورد ل شاما پایته‌ختا سووریێ ده‌رباس دبن كو دبن ئه‌شكه‌نجه‌یێ ده ل زیندانێن رێژیمێن ئه‌سه‌د ژیانا خوه ژ ده‌ست و شه‌هید بوو .
خه‌باتكار عبدالكریم محمود باڤێ یلماز ب تۆمه‌تێن ئه‌ندامتییا پارتییه‌كه قه‌ده‌غه‌كری و نه ره‌وا و بچه‌ككرنا جوانێن كورد ل تاخا زۆرئاڤا یا شاما پایته‌خت - كو ئه‌و تاخ پرانییا نشته‌جیێن وێ كوردن - هاته زیندانكرن و پشتی دووسالان ژ گرتنێ ژ ئالیێ رێژیما ئه‌سه‌د ڤه و ژبه‌ر كو راستی لێدان وئه‌شكه‌نجه‌یێ هات ژیانا خوه ژ ده‌ست دا وشوهیدبوو .
خه‌باتكار عبدالكریم محمود باڤێ یلماز یه‌ك ژ نشتیمان په‌روه‌ر و وولات پارێزێن كوردێن رۆژئاڤایێ كوردستانێ بوو وب دل سۆزی خزمه‌تا دۆزا گه‌لێ خوه دكر و د گه‌له‌ك مانگرتن و خوه‌پیشاندانێن دژی رێژیما سووریێ به‌شداری كریه ، كو یه‌ك ژ ئه‌ندامێن كۆمیتا ئامه‌ده‌كارێن خوه‌پێشاندانا ل پێش قه‌سه‌را ئه‌سه‌د 1986ان ده‌بوو ، هه‌روه‌ها یه‌ك ژ ئه‌ندامێن كۆما كاوا یا چاند وهونه‌ری بوو ، وژبه‌ر چالاكیێن وی یێن سیاسی و جڤاكی و چاند وهونه‌ری د نه‌ورۆزان ده و هه‌لكه‌فتێن كوردی ده راستی گه‌له‌ك ئاسته‌نگییان هات ، و دهاته زیندانكرن و لێپرسین وڤه‌كۆلین پێره دهات كرن .
پشتی چالاكی ولڤ وته‌ڤگه‌را وی یا به‌رچاڤ بوو ئارمانجا رێژیما ئه‌سه‌د د 21 تیمره‌ها 2013 ان ژ ئالیێ ئه‌وله‌كاریا رێژیما ئه‌سه‌د ده‌ما گرتن سالا مالا وی هات بنچاڤ كرن وتۆمه‌تێن وی هه‌مان تۆمه‌تێن كو رێژیما ئه‌سه‌د ئاراسته‌ی هه‌موو گرتییێن خوه یێن سیاسی دكرن بوو .
ژبۆ چه‌ند هه‌یڤان ل شاخێن ئه‌وله‌كاریا رێژیمێ ما پشتره ژبۆ زیندانا عه‌دار یا ناڤه‌ندی ل باژارێ شامێ هاته ڤه‌گوهه‌ستن و د وێ ده‌رێ ده ژئالیێ سێخوریا رێژیما سووریێ راستی لێدان وئه‌شكه‌نجه‌یێ و سته‌م‌كاریێ هات.
خه‌باتكار عبدالكریم محمود باڤێ یلماز ئه‌ندامێ كۆمیتا هه‌رێمی یا پارتیا ده‌مۆقراتا كوردستان سووریا په‌ده‌كه‌سێ وئه‌ندامێ تاخا زۆرئاڤا یا ئه‌نجومه‌نا نشتیمانی یا كورد ل شاما پایته‌ختا سووریێ بوو ، خه‌لكێ گوندێ كه‌نگه‌لۆ یێ ده‌ڤه‌را دێریكا رۆژئاڤایێ كوردستانێ یه ونشته‌جیێن تاخا ژۆرئاڤا یا شامێ بوو ، و د 2 به‌رچله‌یا 2014ان ده د زیندانا رێژیما ئه‌سه‌د ده ژیانا خوه ژ ده‌ست دا و شه‌هید بوو ول شاما پایته‌ختا سووریێ بخاگ هاته سپارتن .
ش.ع
606
