هەڤديتنا لاهای ژ ئالیێ شێخ گرۆپ ڤە هاتبوو ل دارخستن

سەنتەرا (شیخ گرۆپ) یا لێكۆلینێن گرێدایێ پرسا شۆرەشا سووریێ ، وۆرك شۆپێك ل ژێر ناڤێ ((دیالۆگا كوردی-عربی)) ل هەردو رۆژێن (28-29) مها مژدارێ ل باژارێ لاهایی ل ولاتێ هۆلەندا ل دارخست .

د ڤێ وۆرك شۆپێ دە ، گەلەك كەسایەتێن سووری ئامادە بوون" د ناڤ دە ژی ئەندامێ پۆلیت بیرۆیا پارتی دەمۆقراتی كوردستان- سووویا وبەرپرسێ رێخستنا گشتی یا پارتیێ ل هەرێما كوردستانێ دكتور عبدالحكیم بشار" ئامادە بوو" ل سەر ڤەخوەندنەك فەرمی ژ ئالیێ سەرۆكێ سەنتەرێ سلمان شیخ ڤە.

د ڤێ وۆرك شۆپێ دە، كار ل سەر پرسا كوردی هات كرن و زەلالكرنا مافێن كوردا ژ كەسایەتیێن سووری رە و رایا گشتی یا سووریێ وچاوانیا دیتنا چارەسەریەكێ ژ دۆزا كوردی رە.

هەروسا نیزكرنا نەریێن كورد وعربێن سووریێ ل همبەری یەك" ئەو ژی پشتی ڤان سیاسەتێن كو رێژیما سووریێ ب رێبازا خوە یاكو جڤاكا سووری وێرانكرییە ژ دەهێ سالان ڤە.

هەروسا چاوەنیا نەهشتنا رویدانا ململانیەكە عربی -كوردی " پشتی كو پەیەدێ هنەك ناچەیێن عەرەبی ل سووریێ كۆنترۆلكر و كۆمكۆژی تێدە ئەنجام دان.

سەنتەرا شیخ ڤەخوەندن ژ هنەك رایەدەرێن پەیەدێ وریڤەبەریا وێ رە ژی شاندبوو، داكو نەرینا خەلكێ سووریێ ل همبەر سیاسەتێن وان ببهیزە.

ل سەر تۆرێن جڤاكی وێنەك بلاڤ بوویە تـێدە، ئەندامێ پۆلیت بیرۆیا پارتی دەمۆقراتی كوردستان- سووویا دكتور عبدالحكیم بشار ودكتور خالد عیسی شێوەرمەندێ دەستەیا سەرۆكاتیا پەیەدێ و أمجد عثمان هەڤرێزكارێ گشتی یێ تەڤەگەرا چاكسازی وگۆتەبێژێ ئەنجومانا مسدێ هەبوو.

ل گۆری چالاكڤانێن تۆرێن جڤاكی د رۆپەلێن خوە دە باسكرنە، كو هەڤدیتنەك دناڤبەرا دكتۆر حكیم بشار و رایەدەرێن پەیەدێ دە چێ بوویە، بەشەك ژوان چالاگڤانان كەیفخوەشیا خوە دەربری و بەشەكی ژی نەرەحتیا خوە داخویاكرن.

ئەكادیمی ناسێ كورد دكتور فرید سعدون ل سەر مالپەرا خوە " نڤیسیە ، ب ڤەخوەندنەكێ ژ رێسختنەكە سڤیل ل هۆلەندا جڤاتەك ل سەر ئاسۆیێن چارەسەرێ ل سووریێ ونەرینا كوردان و رێڤەریا پەیەدێ وشرۆڤەێن وێ ل سەر ریڤەبەریا وێ ومافێن وێ، گەلەك كەسایەتیێن سووری ب كورد وعەرەبان ڤە ئامادە بوون، ل سەر پەراوێزێن ڤێ جڤینێ" جڤینەك رۆژا(29.11) یێ هەیڤا مژدارێ، د ناڤبەرا دكتور عبدالحكیم بشار ئەندامێ پۆلیتبیرۆیا پارتی دەمۆقراتی كوردستان – سوریا ودكتور خالد عیسی شێوەرمەندێ سەرۆكاتیا پەیەدێ و بئامادەبوونا أمجد عثمان چێ بوو.

دكتۆر فرید هەروسا گۆت ، هەردوئالیان باسا چاوانیا ئەگەرا نیزیك بوون ناڤبەرا وان دە كرن و رەخنە راستە راست ئاراستەی هەڤ كرن و ل گۆر كەسێن ئامادە بووی، هەڤدیتن ئەرینی بوو.

ئەكادیمی ناسێ كورد گۆت:" ئەڤ هەڤدیتنێن وسا مرۆڤ هاند ددە وئەم كار ژبۆ وێ یەكێ دكن، وئەم باوەرن بازدان ژ یەكرێزیا ناڤمالا كوردی نینە ودڤێ ئەم ڤان پارچەبوون و وململانیا نەرینی ی اكو تەڤگەرا كوردی ژی دنالە رزگار بن، دەم هاتیە دیالۆگ دناڤبەرا كوردان دەستپێ بكە و ئاڤاكرنا قۆناغەكە دیرۆكی نووه دە.

دكتور فرید گۆت ئەز بخوە دێژم ئافەرم ژ بۆ مێرانیا ڤان كەسێن كو ئامادەبووی تەڤی كو راستی گەلەك رەخنەیان هاتن.

د ڤی دەربارێ دە عمر كۆچری ئەندامێ كۆمیتا ناڤەدی یا پارتیا دەمۆقراتی كوردستان و سەرنڤیسەرێ رۆژنامەیا كوردستان كو زمان حالێ پارتی یە ، ل سەر ئاكاونتێ خوە یی فیسبۆكی نڤیسیە ، چ هەڤیدتن دناڤبەرا سەركردایەتیا پارتی و پەیەدی دە چێ نەبوونە.

گەلەك رۆپەلان ئەڤ دەنگۆ ونووچەیە بلاڤكرییە ودناڤا وان دە ژی مالپەرا ئاشا نیوز ، كو قاشۆ هەڤیدتنەك دناڤبەرا دكتور عبدالحكیم بشار ئەندامی پۆلیتبیرۆیا پارتیا مە و دكتور خالد عیسی شێوەرمەندێ سەرۆكاتیا پەیەدی چێ بوویە.

لێ ، ئەز تەكەز دكم ، تشتا كو ئاشا نیوز دە هاتی، ب چ ئاوای چی نە بوویە، وئەڤ نووچە گەلەكی دوورە ژ راستیێ، ودكتور عبدالحكیم بشار ژ ئالیی پارتێ ڤە نە هاتیە سپارتن ژ بۆ هەڤدیتنا ب پەیەدێ رە ب تەنا خوە بكە، وهەگەر چ هەڤدیتنەك چێ ببە ، دی دناڤبەرا شاندەك ژ سەركردایەتێ بە نەك سەركردەیەكێ تەنێ ل قامشلۆ یان ژی ل هەرێما كوردستانێ بە.

هەر د ڤی دەربارێ دە، ئیرۆ دكتور عبدالحكیم بشار بخوە ، ئەڤ نووەچە د داخویانیەكە فەرمی دە رەت كر.
ر.ع

450