2 پەنابەرێن كوردێ سووریێ د بوویەرەكە هات وچوونێ دە ژیانا خوە ژ دەست دا
دوه پێنچ شەممبێ 29.11.2018، 2 پەنابەرێن كوردێ سووریێ راستی بوویەرەكە هات وچوونێ ل سەرییا ناڤبەرا هەولێرێ وكامپا دارەشكرانێ بوو و د ئەنجام دە ژیانا خوە ژ دەست دان.
راكان محمد سلیم دینو وهەڤالێ وی شێرگو، د دەما كو ژ كارێن خوە ڤەگەریا مالا خوە لكامپا دارەشكرانێ موتورسیكا وان دولاپێ وی تەقیا وئەو بگرانی برینداربوون، ئیرۆ ژی (30.11.2018) راكان د خەستەخانەیا نوروز ل هەولێرێ ژیانا خوە ژ دەست دا.
راكان محمد سلیم دینو، ژ دایكووبێ(1972 تاخا میسلۆن)ل باژارێ قامشلۆ یە وخودان ژنە وباڤێ (4 كور و 3 كەچان)، ل كامپا دارشكرانێ یا پەنابەرێن سووریێ ل هەرێما كوردستانێ نشتەجی دبە.
ل گۆر پارتیا چەپا كوردستانی- سوریا ل سەر ئاكاونتێ خوە یێ تۆرا جڤاكی (فیسبوك) نڤیسیە، راكان محد سلیم دیبو، ئەندامێ پارتیا وانە و دگەل هەڤالێ خوە شێرگۆ دەما كو ژ كارێن خوە ڤەگەریان مالێ راستێ بوویەركە هات وچوونێ هاتن و ل ئەنجام دە ژیان خوە ژ دەست دا.
و دێ جنازەیێ وی ژ بۆ كوردستانا سووریێ وەرە ڤەگوهەستن د رییا دەرگەهێ پێشابیورێ رە ، دا كو ل گۆرستانا تاخا قدوربەگ ل باژارێ قامشلۆ ب خاك وەرە سپارتن د ناڤا كەس و كارێن وی دە.
ر.ع
377
