عه‌فرین .. شه‌ر ناڤبه‌را توركیێ ورێژیمێ ده ده‌ركه‌ت
بۆ یه‌كه‌م جار پشتی كونترولكرنا ئارتێشا توركیێ و گرووپێن چه‌كدار ژ گوندێن باشوور رۆژهلاتێ عه‌فرینێ شه‌ر وپه‌ڤچوون ناڤبه‌را خالێن له‌شكه‌ری یێن توركیێ و رێژیما سووریێ ده روودا .
ل گۆر ژێده‌ره‌كه تایبه‌ت نێزیك ژ بوویه‌رێ ژ ئاركێ ره راگهاند كو دوه 28/11/2018 شه‌ر وپه‌ڤچوون ناڤبه‌را ئارتێشا توركیێ و گرووپێن چه‌كدار ده ل ئالییه‌كی و ئارتێشا رێژیمێ ل گوندێن چیایێ لیلۆن و ده‌ڤه‌را شێراوا ل باشوور رۆژهه‌لاتێ عه‌فرینێ روودا وشه‌ر وپه‌ڤچوون تا دانێ سبێ ده‌ردۆرا ده‌مژمێر چار به‌رده‌وام كر .
ژێده‌رێ ته‌كه‌ز كر كو چه‌كدارێن رێژیما ئه‌سه‌د ده‌ست ب ئێریشان كرن پشتره ئارتێشا توركیێ ل گوندێن عه‌فرینێ یێن هه‌ڤسینۆر ناڤبه‌را توركیێ و رێژیمێ ل نێزیك هه‌ردوو باژارۆكێن شیعی نبل وزهرایێ ئه‌و ئێریش ره‌دكرن و تا نها سه‌ده‌مێن روودانا وی شه‌ری و زیانێن په‌ڤچوون دوه نه‌هاتنه خویاكرن.
ل گۆر شۆپاندنا ده‌زگه‌ها ئاركێ كو ئه‌و په‌ڤچوون یه‌كه‌م شه‌ر ناڤبه‌را توركیێ و رێژیما ئه‌سه‌د ده ل وان گوندان رووددن كو دده‌ما شه‌رێ عه‌فرینێ ده 12 گوندێن عه‌فرینێ دبن ده‌ستێ رێژیمێ ده مان وتوركیێ تو هه‌ول ژبۆ كونترولكرنا وان گوندێن هه‌ڤسینۆر ب هه‌ردوو باژارۆكێن نبل وزهرایێ ره نه‌كر .
ئارتێشا توركیێ د 18 مه‌ها ئادارێ 2018ان ناڤه‌ندا باژارێ عه‌فرینێ كونترۆل كر ئانگۆ پشتی 58 رۆژان ژ شه‌ر وپه‌ڤچوونان ناڤبه‌را توركیێ و چه‌كدارێن په‌یه‌دێ وپشتره ب شه‌ش رۆژان ئانگو د رۆژا 64 حكومه‌تا توركیێ ب فه‌رمی كونترولكرنا عه‌فرینێ راگهاند لێ هین 12 گوندێن عه‌فرینێ یێن ل چیاێ لێلۆن وشێراوا یێن عه‌فرینێ دبن ده‌ستێ رێژیمێ ده مان كو ل گۆر چالكڤانێن عه‌فرینێ ئه‌و یه‌ك ژبۆ پاره‌ستنا هه‌ردوو باژارۆكێن نبل وزهرایێ یێن شیعی نه وئه‌و یه‌ك ب په‌رچه‌بوونه‌كێ ب ناڤ دكن .
ش.ع
508
