رێژیما سوریێ ههولا كونترولكرنا زهڤیێن پترولێ دكه وههڤپهیمانیا ناڤدهولهتى رێ ناده
ههڤهدمى بهردهوامیا شهر وپهڤچونان دناڤبهرا چهكدارێن قهسهدێ ئارتێشا رێژیما سووریێ ههول دده دهڤهرێن دبن كونترولا خوه ده ل روژهلاتێ چهمێ فهراتێ بهرفرهه تر بكه لێ ئهمهریكا رێ ناده وێ .
روژنامهیا الوهتهن یا نیزیكى رێژیما سووریێ راگهاند كو ئارتێشا رێژیما سووریێ خوه ئامهده دكن ژ بو ئیریشێ ل سهر بیرێن پترولێ ل دهڤهرێ دبن كونترولا چهكدارێن قهسهدێ ده ل نیزیكى دێرا زورێ .
روژنامهیا ناڤبوری ئهشكهره كرن كو ئارتێشا رێژیما سووریێ خوه ئاماده دكه ژ بو ئیریشێ ل سهر گوندێن خشام وصالحیه ل باكورێ دێرا زورێ ب ئارمانجا ئیریشێ ل سهر گوندێ عزبه ل نیزیكێ زهڤیێن كونیكو یێن پترولێ لێ روژنامهیێ تهكهز كر كو ههڤپهیمانیا ناڤدهولهتى یا ل دژی داعشێ ب سهركێشیا ئهمهریكا رێ ناده وان .
چهكدارێن قهسهدێ بهریا دهمهكێ شهرێ داعشێ راوهستاند وهكو نهرازیبونهكێ ل سهر ئیریشا توركی ل سهر عهفرینێ لێ پشتره ئهو بریار هلوهشاندن ودیسان ڤهگهریان شهرێ داعشێ ل دێرا زورێ لێ هین گهلهك پرسیارخالێن نه دیاركری تێن هولێ .
روژنامهیا الوهتهن ل زارێ چاڤدێران ئهشكهره كر كو چهكدارێن قهسهدێ شهرێ داعشێ دكن لێ نه ب ئاستهكی باش و برێك وپێك ژ بهر كو ئهڤه چهند ههیڤن چهكدارێن داعشێ دورپێچ كریه لێ ناخوازن شهر بداوی وهره كو ئهڤ یهك ل گوری بریارێن ههڤپهیمانیا ناڤدهلوهتى یا ل دژی داعشێ یه داكو ژ خاكا سووریێ دهرنهكهڤن .
د چهند روژێن بوری ده هژمارهك مهزن ژ چهكدارێن قهسهدێ د شهرێ داعشێ ده ژیانا خوه ژ دهست دان كو ل گوری ئاگاهیان دهردورا 92 چهكداری ژیانا خوه ژ دهست دان د شهرێ داوی ده ل گوندهوارێ دێرا زوری َ .
427
