گوهەرتنێن وەزاری د حكومەتا سووریێ دە

رێژیما سووریێ هنەك گوهەرتن د وەزارتێن خوە چێ دكە و د نەرینا سیاسەتمەدارێن سووریێ دە ژی چ كریزا سووریێ چارەسەر ناكە و رێژیم دخوازە ب ڤان گوهەرتنان جڤاكا ناڤدەولەتی ب خاپینە.

ل گۆر هەندەك ئاژانس ومالپەرێن نیزیكی رێژیما سووریێ رێژیمێ دەست كرییە ب گوهەرتنێن وەزاری د حكومەتا عماد خمیس دە ، ودێ سێ ژ وەزیرهەری كێم وەرن گوهەرتن، دناڤ دە ژی وەزیرێ دەرڤە ولید معلم كو تێ پێشبینی كرن جهێ وی شاندەیێ سووریێ ل نەتەویێن یەكگرتی وسەرۆكێ شاندا وێ د دانووستاندنیێن جنێڤێ دە بشار جعفری بە ودێ لیوا محمد رەحمون ل جهێ وەزیڕی ناڤخوە محمد شعار وەرە دانین وهەروسا دێ وەزیرێ سامانێن سروشتی(ئاڤێ) ژی وەرە گوهەرتن.

دەربارێ ڤان گوهەرتنان دە، ئەنداما كۆمیتا ناڤەندی یا پارتی دەمۆقراتی كوردستان – سووریا هیام محمد ژ بۆ ئاركێ وەها ئاخڤی:" گوهەرتنێن رێژیما سووریێ دكە دێ نە تشتەكی پێش دە بدە و نە ژی پاش دە بدە و چ تشتەكی ژ كرێزێ چارەسەر ناكە، وخەلكێ سووریێ باش دزانن گوهەرتنێن رێژیمێ شكلی نە و وئەڤ وەزیڕێن كو ئیرۆ د حكومەتا رێژیمێ دە نە پێش چاڤێ خەلكێ سووریێ سوجدار وتاونبارن وكارێن وان تەنێ راستكرنا شاشیتێن رێژیمێ یە وچ خوە بەرێ ژی رێژیمێ گوهەرتن د حكومەتا خوە دە كریبوو لی هەروەكە كو تو ئالاڤێن خوە بگوهەری وجهێن وان بگوهەرە.

سیاسەتمەدارێ كورد عمر سلیمان ژ ئالیێ خوە ڤە ژ ئاركێ رە گۆت: ئەڤ گوهەرتن مینا كو رێژیمێ هەولدانێن نوو دكە دا كو روویەكی سیاسی ولەشكەری وئەولەهی بدە خوە وتایبەتی ژی پشتی دەستپێكرنا شۆرەشێ و ئەڤ رێژیما ستەمكار تەنێ دخوازە خوە بپارێزە ژ دەستێوەردانەكی ئەگەرنەخواز دترسە ئەڤ یەك ژی ب نەرینا من ب فەرمانێن پشتەڤانێن خوە ایران وحزب الله ب جی دكە دا كو خوە ب پارێزە، ژ ئالیێەكی دن ڤە تەڤی كو ئەڤ گوهەرتن شكلی نە وچ ژ كۆكا رێژیمێ نا گوهەرە لێ هلبژارتنا وێ كەسایەتێن مینا بشار جعفری خوەدی ئاخاڤتنێن زل ونەخوەش ژ بۆ پۆستا وەزیڕێ دەرڤە ومحمد رحمون یێ كو تێ ناسكرن ب تاوانێن خوە ل دژی سووریان وب سەدان دبن ئەشكەنجێ دە ل زندانێن رێژیمێ دە كوشتنە وژئالیێ دادگەها ناڤدەولەتی ڤە داخواز كرینە ، نشانێ د دە كو رێژیما سووریێ بەردەوامە د سەرهشكیا خوە دە و گوه نادە چ ئالیێ ناڤدەولەتی ود ژبەر و چ گوهەرتن وچاكسازیێن زەمینە خوەشكەر ژ بۆ چارەسەریەكە سیاسی ناكە د پێشەرۆژی دە.

هەر د دەربارێ ڤێ مژارێ دە، سەرۆكێ هەڤپەیمانیا نشتیمانی یا هێزێن شۆرەشێ وئۆپۆزسیۆنا سووریێ، عبدالرحمن مصطفی، راگهاند كو رێژیما ئەسەد هەول ددە جڤاكا ناڤدەولەتی ب هنەك چاكسازی د حكومەتا خوە دە ب خاپینە، لێ كێشەیا سەرەكی د سووریێ دە نە گرێدایە ب مانا حكومەتێ یان نا ب قاسی كو گرێدایە ب رێبازا رێژیما سوجدار وتاونبار ودكتاتور وستەمكار.

مصطفى هەر وسا گۆت:" تشتا كو ئەسەد پێ رادبە ئەڤە جارا شەشەمە دووبارە دكە ژ دەستپێكا شۆرەشێ ڤە، بێ كو چ تشتەكی نوو ل سەر ئاستێ داخوازێن مللەتێ سووریێ بجه بینە و ئازادی وكەرامەتا خەلكێ سووریی ڤەگەرینە، لێ رێژیما سووریێ ب بەرۆڤاژی ڤێ یەكێ دكە و دێ شێوازێ خوە یێ خوینرێژی ب چ ئاوایەكی نە گوهەرە وهەر تولڤەدان و وگرتن وكوشتن دەرهەقێ سڤیلان دە بەردەوامە و هەتا كو یێن ژ لبنانێ ژی ڤەدگەرن راستێ ڤێ یەكێ تێن.

681