چه‌كدارێن الشرقیه جاره‌كه دن ڤه‌گه‌ریانه عه‌فرینێ
آرك نيوز .. پشتی شه‌ر وپه‌ڤچوونێن گران ناڤبه‌را گرووپێن چه‌كدار و چه‌كدارێن شهداء الشرقیه ل ناڤه‌ندا باژارێ عه‌فرینێ هاتن روودان 18/11/2018 كو د ئه‌نجامده هژماره‌كه كوشتی وبریندار كه‌تن وپشتره گهشتن رێكه‌فتنا ده‌خستنا چه‌كدارێن الشرقیه ژ ناڤه‌ندا باژارێ عه‌فرینێ ژبۆ ناڤچه‌یا جندێریسێ داكو د ده‌مه‌كه دن ده ژبۆ ئدلبێ وه‌رن ده‌رخستن , جاره‌كه دن هن گرووپێن سه‌ر ب شهداء الشرقیه ڤه ڤه‌گه‌ریانه عه‌فرینێ .
ل گۆر ژێده‌ره‌كه تایبه‌ت ژ ناڤ باژارێ عه‌فرینێ ژ ئاركێ ره راگهاندیه كو جاره‌كه دن هن گرووپێن چه‌كدارێن شهدا الشرقیه ڤه‌گه‌ریانه مالێن كو ل ناڤه‌ندا باژارێ عه‌فرینێ ده‌سته‌سه‌ركروبون.
ژێده‌رێ ئاماژه ب وێ یه‌كێ كر كو باره‌گه‌هێن كو الشرقیه تێده بوون كه‌تنه ده‌ستێ هن گرووپێن دن یێن چه‌كدار ده وپشتێ وێ ئۆپراسیۆنێ ده‌سهه‌لاتداریا وان كێم بوویه .
ژ ئالیێ خوه ڤه ئازاد عوسمان ئه‌ندامێ ئه‌نجومه‌نا خوه‌جهی یا عه‌فرینێ د ده‌ما به‌شداریێ د بوولته‌نه‌كه ئاركێ ده راگهاندبوو كو ئه‌و گرووپ دێ ژبۆ ئیدلبێ وه‌ره‌ن شاندن .
هه‌روه‌ها ره‌وانگه‌ها سووری یاماڤێ مرڤان د راپۆرته‌كه خوه ده دابوو زانین كو پرانییا چه‌كدارێن شهداء الشرقیه ب گه‌رانتییه‌كێ ژ توركیێ ڤه‌گه‌ریانه عه‌فرینێ .
پشتی شه‌رێ 18 مژدارێ كو ل ناڤه‌ندا باژارێ عه‌فرینێ هاتبوو روودان و د ئه‌نجامدا 32 ژ گرووپێن چه‌كدار و 14 ژ شهداء الشرقیه هاتبوون كوشتن .
چالاگڤانه‌كی كورد ژ باژارێ عه‌فرینێ سه‌دما شه‌رێ د ناڤبه‌را چه‌كدارێن شهداء الشرقیه وگروپێن چه‌كدار ده ئه‌شكه‌ره‌كربوو كو چه‌كدارێن شهداء الشرقیه بریارا توركی ژ بو ڤه‌گهه‌زتنا هن ده‌ڤه‌رێن كوردی كو گۆمان تێ كرن شه‌ره‌ك ل وێ ده‌رێ رووبده رده‌كرو بوون
.
وێ چالكڤانی هه‌روه‌ها ئامه‌ژه ب وێ یه‌كێ كربوو كو بێتریا چه‌كداران ل گه‌ل مالباتێن خوه ل باژارێ عه‌فرینێ ب جهبوونه ومال وملكێن وه‌لاتیان وبه‌رهه‌مێن چاندی وب تایبه‌ت یێن زیتونان دزین وده‌سته‌سه‌ركرن وجهێ خوه گرتنه وناخوازن جاره‌كه دن به‌شداریێ د شه‌ره‌كی دن ده بكن .
چه‌كدارێن ئارتێشا نشتمانی د 18 مژدارێ رگهاندبووكو ئه‌و دێ ب ئۆپه‌راسیۆنه‌كێ دژی گرووپێن كو بنپێكرنان ده‌ر‌حه‌قێ وه‌لاتییان ده رابوونه ئه‌نجام بده و چه‌كدارێن شهداء الشرقیه و الحمزات وسلتان مراد دناڤ وێ لیسته‌یێ ده بوون .
ش.ع
352
