نصر الحریری جارەكی دن بوو سەرۆكێ دەستەیا دانووستاندكارا سووریێ

دەستەیا دانووستاندكارا سووریێ ، جارەكی دن دكتۆر نصر الحریری وەكە سەرۆك د جڤینا خوە یا ئاسایی ل پایتەختا عەربستانا سعوودێ ریادێ دە، هلبژارت. و د جڤینێ دە داوین پێشهاتەیێن سیاسی گرێدایی پرسا سووریێ، وئامادەكاریێن ئاڤاكرنا كۆمیتا دەستۆرێ و كاغەزێن كار وكۆمیت وكارۆبارێن رێخستنی گرێدای دستۆرێ هات گۆتوبێژكرن.

جڤین رۆژا (22-25) هەیڤا مژدارا سالا2018، هاتبوو ل دارخستن، وهەروها دەستەیێ ، كارۆبارێن رێخستنی و كارگیری گرێدایی ئۆفیسا دەستەیێ و كۆمیتێن گرێدایی وێ وپابەندبوونا دەستەێێ ژ دەستپێكا ئاڤاكرنا وێ وهەتا چارەسەركرنەكە سیاسی تەمام ل گۆر بریارا نەتەوی 2254 وداخویانیا جنیڤ1 یا سالا2012 ، وەرە دیتن، دووپات كر.هەروسا جڤینێ دیار كر كو دەستەیا دانووستاندكار پشتەڤان وپالپشتی وێ بر یارێ بوویە و هەمۆ شیان و كارینێن خوە خستنە خزما بجیكرنا وێ دە، ئەوی بمەبەستا رزگاركرنا مللەتێ سوریێ ژ ڤێ كریزێ و ئاڤاكرنا دەولەتەك مەدەنی دیمۆكراسی دادپەروەر.

دەستەیێ هەروسا د دیاركر، تەڤی كو دەستە هەمۆ هەولێن خوە كرن ژ بۆ سەركەفتنا دانووستاندنا و پشتەڤانیا شاندەیێ ناڤدەولەتی ژ بۆ سووریێ ستافان دیمستورا، لێ رێژیمێ وهەڤالبەندێن خوە كار كرن داكو ئەڤ پرۆسەیە ب تەڤاهی وەرە ژ ناڤبرن وداوین پیلانیێن وێ ژی دروستكرنا ئاستەنگیان ل همبەر ئاڤاكرنا كۆمیتا دەستۆری.

دەستەیا دانووستاندكارا سووریێ، د بەشەكی دن یێ جڤاتا خوە، بال كشاند سەر پرسا ڤەگەرا پەنابەران ژ بۆ ولات و جهێن نشتەجیبوونا وان، ومافێن وان یێن سەرەكە، وداخواز ژ جڤاكا ناڤدەولەتی كر كو ڤەگەرا پەنابەران گرێ بدە ب ژینگەیەك هێمن وئارام كو ژیانا وان وكەرامەت ورۆمەتا وان بپارێزە.

دەستەیا دانووستاندكار داخواز ژ جڤاكا ناڤدەولەتی ونەتەویێن یەكگرتی كر كو پێشیێ ل هەولێن رێژیما ئەسەد بگرە ژ بەر كو رێژیم دەولەتێن پەنابەرێن سووریێ لێ دمینە رازكرن ددە دا كو وان پەنابەران نەچار بكە ووان ڤەگەرینە وەلاتیێن وان.

د بەشەكی دن یێ جڤاتا خوە دە، دەستەیا دانووستاندكارا سووریێ بنپێكرنیێن رێژیمێ یێ بەردەوام ل باژووریێ سووریێ شەرمەزار كر و ودیار كر كو رێژیمێ هەمۆ رێكەفتن بنپێكرنە و دەست ب گرتنا ولاتیان كرییە ل وان دەڤەران بهنجەتیێن جودا جودا ب بریارا بناڤێ "الدعاوی قەدائیە" ل دژی سەركردەیێن گرۆپێن چەكدار یێن ئارتێشا ئازاد و وان دگرە و پشترە وان توونە دكە.

ئۆپۆزسیۆنا سووریێ جارەك دی تەكەزیا خوە دووپات كر، كو د داخویانیا خوە دە، وێنەیێن كارەسات وئێش وئازارێن سەدێ هەزاران ژ گرتیان كو رێژیم هەولێ خوە دكە دا كو وان توونە بكە وشینوارێن وان ل بەر چاڤێن دونیایێ وندا بكە ، د ریا دروستكرنا باورنامەیێن كۆچكرنا هەزاران گرتی ب سەدەمێن مینا كریزا دل و نەخوشیێن دن، ئەڤ یەكە ژ بلی هەزاران ژ مشەخت وپەنابەر كو سەرباری ئێش وئازارێن وان یێن غەریبێ وترسا وان ژ دەستەكرنا كو رێژیمێ دەست پێكریە ب مال ومولكێن وان ولاتیان ، ئەڤ یەك بخوە ستەمكاریەكە دنە سەرباری ستەمكاری و هەمۆ كارەساتا كو ل سووریێ د قەۆمە.

دەستەیێ هەمۆ راپۆرتیێن ئۆفیس وكۆمیتان گۆتوبێژكر و نرخاندنەك گشتی ژ سیاسەتا دەستەیێ ورێڤەبەریا وێ رە د هەیاما ڤێ سالێ دە كر و هەتا رێكەفتنا هلبژارتنا وێ و داویا كۆنگرا ریاد2 د 23.11.2017 یێ زاینی.

ر.ع

655