حهلهبێ .. چالاكی ژبۆ ئۆجهلان و PKK هات لدارخستن .
آرك نيوز .. ل تاخا شێخ مهقسوودا حهلهبێ كو پرانییا خهلكێ وێ كوردن نهخاسم یێن عهفرینا رۆژئاڤایێ كوردستانێ نه , نه ژ بۆ دهربدهرێن كوردێن عهفرینێ یێن ژبهر شهر وپهڤچوونان ژ جه ووارێن خوه كو د سهرما و گهرمایێ ده ل دهڤهرێن دهردۆرا حهلهبێ ل بن كۆنان ده دژین دهركهتنه كۆلانان ونهرازیبوونا خوه دانه زانین ورابوونه, لێ بهلێ ژبۆ كهسێ كو بهانهیا توركیێ ژبۆ دهرباسبوونا عهفرینێ پهكهكێ وسهرۆكێ وێ عبداله ئۆجهلان رابوونه .
دوه 26 /11/2018 بهرپرسێن پهیهدێ ل تاخا شێخ مهقسوودا حهلهبێ ب چالاكییهكێ ب راكرنا ئال ووێنهێن عبدالله ئۆجهلان وپهكهكێ رابوونه , و مهشهك ئهنجامدان بێ كو ژیانا خهلكێ دهربدهر یێن ل دهردۆرا حهلهبێ بینن بیرا خوه یان ههولهكێ ل جهم ههڤپیهمانێن خوه رێژیما ئهسهد بكن, داكو بهرێ وان بدن تاخێن كوردی وهك شێخ مهقسوود وئهشرهفیێ وسریان و بستان باشا وهن تاخێن دن ل حهلهبێ وژ ئاستهنگی و زهحمهتییا ژیانا كامپان ودهربدهرێن دهركهڤن ورزگارببن .
تاخا شێخ مهقسوود یا حهلهبێ كو ئهڤ چالاكی تێده هاتیه لدارخستن ب تهنێ چهند كیلۆ متران ژ كامپێن دهربدرێن عهفرینێ ل دهردۆرا حهلهبێ ڤه دووره وپرانییا خهلكێ عهفرینێ كهسوكارێن خوه ل وێ تاخێ ههنه لێ نها بوونه قووربانییا بریارا بهرپرسێن پهیهدێ نه دهرفهرتێ ژ وان ره ڤهدكن كو ڤهگهرن عهفرینێ , ب بهانهیا ژ یان ل كامپان ژ ژیانا ژ دبن داگیركهریا توركییێ ده بروومهتره ، و نه دهرفهتێ ژ بۆ چوونا وان ژ بۆ تاخێن كوردی وهك شێخ مهقسوود ووئهشرهفیێ ڤهدكن.
كو نها ب تایبهت د وهرزێ زڤستانێ ده ئهو دهربدهر رهوشا وان ههر دچه خرابتر دبه وتوئالیكاریێن كۆنجاو ژ وان ره نایێن پێشكیشكرن .
بهانهیا توركیێ ژ دهرباسبوونا عهفرینێ هلدانا وێنهێن عهبدالله ئۆجهلان وههبوونا پهكهكێ بوو و وپهیهدێ تو ههول ژبۆ برینا بهانهێن توركیێ ل عهفرینێ نهكر ونها ههمان سیناریۆ ل ههرێمێن دن یێن رۆژئاڤایێ كوردستانێ وهك كۆبانێ و جزیرێ دووبارا دبه وگهڤێن توركیێ ب ههبوونا پهكهكێ ل وان دهڤهران دهردكهڤه بێ كو پهیهدێ وان بهانهیان ل پێش چاڤێن توركیێ بگره داكو كهراسهتا عهفرینێ ل وان دهران ژی دووبارا نهبه .
ش.ع
561
