احمد ابراهیم بەری وەرە گرتن ژ شەپێلا پێشە رۆژا كورد هاتبوو دوورخستن
د لێداونەك تایبەت دا ژ بۆ ئاركێ، بەردەڤكێ شەپێلا پێشە رۆژا كورد ل كۆبانێ علی تمی، دەربارێ دەڤ ژبەردانا گرتیێ بەرێ وئەندامێ شەپێلا پێشە رۆژا كورد ل سووریێ احمد ابراهیم گۆت:" احمد ابراهیم بەری 5 هەیڤان ژ شەپێلێ هاتبوو دوورخستن و ئەو ئەندام بوو د رێخستنا شەپێلێ ل هەرێما كوردستانێ دە .
تمی سەرباركر وگۆت:" پشتی ڤەگەرا وی بۆ باژارێ قامشلۆ، وی خوەستبوو جارەكی دن ڤەگەرە ناڤ رێخستنا شەپێلێ وداخوازا خوە پێشكێشی سەركردایەتیا شەپێلێ كربوو" لێ شەپێلا پێشەرۆژێ 2 ئەندامێن خوە راسپاردبوو ژ بۆ تێكلیێ پێ رە بكە.
بەرپرسێ شەپێلێ ، دا زانین كو پشتی دەركەتنا احمد ژ زندانێ دیار بوو كو وی گرێبەستەك ب پەیەدێ رە گرێدا یە، كو هلمەتەكێ پرۆپاگەندا یا نە راست ل دژی شەپێلا پێشەرۆژا كورد ل همبەر ئازادكرنا وی رابە و مخابن راستی ژی احمد نها وسا دكە.
تمی تەكەز دكە كو احمد ابراهیم ژ شەپێلێ هاتبوو دوورخستن دەما كو ل رێخستنا شەپێلێ ل هەرێما كوردستانی دە بوو وچ گرێدانا وی یا رێخستنی ب شەپێلی ڤە نەمایی بوو، وئارمانجا ڤێ پرۆپاگەندا وی و پەیەدێ ئەوە كو یەكرێزیا شەپێلێ ژ ناڤ ببە و وئارمانجا سیاسەتا شەپێلێ دكن و دێ هەمۆ پیلانێن وان بەر بایێ بچن.
ر.ع
609
