هژمارا شههیدێن شهرێ عهفرینێ ئهشكهره دبه
آرك نيوز .. تو جاری ژ رۆژهكێ ژ رۆژان نه د بیر وباوهرییا عهفرینییان ده بوو كو ههرێما وان یا گهشت وگوزاری و رهنگین وبهدهو ببه قادهك ژ شهرهكی قرێژ وگهمار، شهرهك ناڤبهرا یهك ب هێزترین ئارتێش دههڤپهیمانییا ناتۆ ده وكهسێن كو بهرخودان ئادعا كرن كو ئهو شهر د ئهنجاما سیاسهتێن شاش یێ پهكهكێ و پهیهدێ لعهفرینێ بوون .
خوهدیێن بهرخودانا عهفرینێ د چارچوڤهیا 58 رۆژان ده ب ههزاران ژ كور وكهجێن چیاێ كورمێنج و هن دهڤهرێن دن كرن قوربانییا بالافرێن توركیێ و تۆپێن وێ .
د ههمان دهمێ ده سهركرده ب جل و ئۆتۆمبێلێن سڤیلان بهرێ خوه دان كۆبانێ و جزیرێ و دهردۆرا حهلهبێ وهشتن كو كهسێن نهچار د چۆل و بانییان ودهشت ونوال و چیاێن عهفرینی بمینن داكو ب چهكێن كلاشنكۆف بهرڤانییا خوه ژ ئێریشێن ئهسمانی و بهژایی بكن كو ب ههزاران بوونه قوربانی وشههید بوون .
شرۆڤهكارێ سیاسی وشۆپینهرێ رهوشا كوردستانا سووریێ منال حسكۆ د گۆتارهكه خوه كو ل سهر مالپهرا ئارك نیۆز ل ژێر ناڤێ جینۆساید ل بن ناڤێ پارهستنا روومهتێ بهلاڤكریه تێده ههژمارا شههیدێن عهفرینێ دد خویاكرن ودبێژه .
ژ دهسپێكا شۆرهشا سووریێ و هاتنا گرووپێن قهندیلێ ب رێكهفتن ب توركیێ عێراقێ ێئرانێ سووریێ ره داكو بهرڤانییا رێژیمێ ل شامێ و پاراستنا ئهولههییا نهتهوا توركیێ بكن ، ژ وێ دهمێ ڤه سلۆگانا ئهم روومهتا وه دپارێزن رادكن .
حسكۆ بهحسا هژمارا شههیدێن شهرێ عهفرینێ دكه و دبێژه كو ههمووان دزانی ئهنجامێن عهفرینێ دهردانه ئانگۆ خسارهته ل ژێر ناڤێ پاراستنا روومهتێ زێدهر ژ 7000 شههید ل عهفرینێ كرن قووربانی
بهریا دهمكێ د 5/9/2018 عهمیدێ ژ قهسهدێ جوودابووی حسام الدین العواك د داخویانییهكێ د دهما بهشداریێ د بهرنامهیهكێ ئاركێ راگهاندبوو كو” 7000 ههزار شههید بوونه قوربانی شهرێ عهفرینێ كو دهردۆرا 6000 ههزار شههید ژ وان خهلكێ عهفرینێ نه 4000 ههزار ژ كوران نه و 2000 ژ كهچان.
وپهیهدێ تا نها وێ هژمارێ ئهشكهره ناكه داكو دهردانا خوه نهده خویاكرن ودانپێدانێ ب شاندنا وان ژ بۆ شهواتێ نهكه”
دهربارێ شهیدێن سڤیل راوهنگهها سووریێ یا ماڤێ مرۆڤان راگهاندبوو كو دهردۆرا 400 سڤیلی د ئهنجاما شهرێ عهفرینێ ده شههیدبوونه وب سهدان بریندار بوونه و ژێرخانهیا گوند وناڤچه و تاخێن باژێر هاتنه تێكبرن .
ههروهها ب دههان ژ وهلاتییێن سڤیل بوونه قوربانییا تهقینا مایینان كو د دهما پهیهدێ ژ ههر گوندهكی دهردكهت دناڤ زهڤی و مالێن سڤیلان ده مایین دچاندن ودهما خهلك ڤهدگهرین مالێن خوه دبوون قوربانییا وان ماینان .
تا نها پارتییا یهكیتیا دهمۆقراتیك پهیهدێ تو داخویانیێن فهرمی دهربارێ هژمارا شههیدێن شهرێ عهفرینێ دهرنهخستیه و تو لیبۆرین ژ خهلكێ عهفرینێ نهخوهستیه ب تهنێ ئالدار خلیل د بهرنامهیهك تهلهفزیۆنی ده راگهاندبوو كو شههیدێن عهفرینێ زێدهتری 1500 كهسینه .
ب ههزاران دایكێن وان شههیدێن دلورینن وهێستران دبارینن ب هێڤیا هاتنا كورێ خوه نه ژ بهر كو هین ئهو ناڤ نههاتنه راگهاندن وههردهم د وێ ئێش وئازارێ ده نه , لێ دهما ناڤێ وان ب فهرمی وهرن راگهاندن ههری كێم ئهو دایك دێ هێستران سهر شههیدبوونا كورێن خوه دشهرهكی بریارێن وهلاتێن ب هێز ببارینن و ل بهندا هاتنا وان تا داوییا ژیانێ نامینن .
ش.ع
625
