شاندەك ژ PDK-S سەردانا مالباتا خەباتكار دهام میرو كر

دوه 25.11.2018، شاندەك ژ سەركردایەتیا پارتیا دەمۆقراتا كوردستان – سووریا (PDK-S) ل ئەرۆپایێ ب بۆنەیا سالڤەگەرا كۆچباركرنا سكرتێرێ بەرێ یێ پارتیێ خەباتكار دهام میرو، سەردانا مالباتا وی كر.

شاندا پارتیێ ب سەرۆكاتیا ئەندامێ پۆلیت بیرۆیا پارتیێ وجێگرێ سەرۆكێ هەڤپەیمانیا نشتیمانی یا ئۆپۆزسیۆنا سووریێ وهێزیێن شۆرەشێ عبدالباسط حمو و ژ هەردو ئەندامێن كۆمیتا ناڤەندی عبدالكریم حاجی وسەرۆكێ نوونەراتیا ئەنجومانا نشتیمانیا كوردی ل ئەرۆپایێ و بەرپرسێ رێخستنا پارتی ل ولاتێ نمسا و محمد سعدون بەرپرسێ ریخستنا پارتیێ ل دۆرتموند ل ئەلمانیا پێك هات بوو .

ژێدەرەكێ ژ راگهاندنا پارتیێ ل ئەرۆپایێ ژبۆ ئاركێ راگهاند، كو سەردانا شاندا پارتی د سالڤەگەرا هەشتان یا حەجی دهام سكرتێرێ بەرێ یێ پارتیێ بوو ، شاندێ بەحسا رۆلا نەمر دهام میرو د دەما كو سكرتێرێ پارتیێ بوو ، كر و خەباتا وی یاكو زێدەتری (7) سالان د زندانێن رێژیما سووریێ دە بوو، بەرز نرخاند و پابەندبوونا وی ب رێبازا بارزانیێ نەمر و ورۆلا پارتیا خوە بوو ، تەڤی كو رەگەزنامە وناسنامەیا سووریێ ژێ هات ستاندن و دەست هات دانین ل سەر مال ومولكێن وی ژ ئالیێ رێژیما سووریێ ڤە وهەمۆ زاركیێن وی ژ خوەندنێ د زانكۆ وپەیمانگهێن سووریێ هات دوورخستن.

مالباتا حەجی دهام ژی ژ ئالیێ خوە ڤە، ئامادەبوونا خوە ژ بۆ بەردەوامی بۆ كار وخەباتێ لە رێبازا بارزانیێ نەمر و د ناڤا رێزێن پارتی دەمۆقراتی كوردستان – سوریا دە" نیشان دا.
ر.ع

574